ت. دوناقوۆ: قازاقستاننىڭ مەملەكەتتىك قىزمەتشىلەرىنىڭ 48 پايىزىن ايەلدەر قۇرايدى
ءمينيستردىڭ اتاپ وتۋىنشە، ەلىمىزدىڭ مەملەكەتتىك قىزمەتشىلەرى قاتارىندا گەندەرلىك تەڭدىك بار. ناقتى ايتقاندا قازاقستاننىڭ مەملەكەتتىك قىزمەتشىلەرىنىڭ 48 پايىزىن ايەلدەر قۇراپ وتىر.
«قازىرگى ۋاقىتتا مەملەكەتتىك قىزمەتتەگى ورتاشا جاس 35 جاستى قۇرايدى. ياعني، قازاقستاننىڭ مەملەكەتتىك قىزمەتى - بۇل ەڭ الدىمەن تاجىريبە، كەمەلدەنۋ جانە جاستىق قويماسى»، - دەدى ول.
ت. دوناقوۆتىڭ سوزىنە قاراعاندا، مەملەكەتتىك قىزمەتتىڭ جاڭا مودەلى جۇمىس ىستەي باستاعان ساتتەن مەملەكەتتىك اپپاراتقا ورنالاسۋ تارتىمدىلىعى ايتارلىقتاي كوتەرىلىپ، 1 بوس ورىنعا ۇمىتكەرلەردىڭ سانى ءبىرشاما وسكەن.
«وتكەن جىلمەن سالىستىرعاندا مەملەكەتتىك ورگاندار قاتارىنداعىلار 5 ەسە ارتتى. ال ادامداردىڭ مەملەكەتتىك قىزمەتتەن كەتۋ دەڭگەيى 2 ەسەگە جۋىققا قىسقاردى»، - دەدى ت. دوناقوۆ.
اۆتور: مارلان جيەمباي
