وزبەكستاندا كۇن 47 گرادۋسقا دەيىن ىسيدى

تاشكەنت. قازاقپارات - وزبەكستاننىڭ گيدرومەتەورولوگيالىق قىزمەت ورتالىعى اۋا تەمپەراتۋراسىنىڭ 47 گرادۋسقا دەيىن كوتەرىلەتىنى تۋرالى شۇعىل اقپارات تاراتتى، دەپ حابارلايدى قازاقپارات مەنشىكتى ءتىلشىسى.

ۆەدومستۆونىڭ مالىمەتىنشە، 17-22-شىلدە ارالىعىندا وزبەكستان اۋماعىنا تۇرىكمەنستان ارقىلى يران ايماقتارىنان ىستىق اۋا شىعارىلادى.

«وسىعان بايلانىستى كۇندىزگى اۋا تەمپەراتۋراسى:

- قاراقالپاقستان رەسپۋبليكاسى، حورەزم، بۇحار، ناۆوي، قاشقاداريا، سۋرحانداريا وبلىستارىندا 44-47 گرادۋسقا دەيىن؛

- تاشكەنت، سامارقان، جيزاق، سىرداريا وبلىستارىندا 42-45 گرادۋسقا دەيىن؛

- فەرعانا القابىنىڭ وبلىستارى بويىنشا 41-43 گرادۋسقا دەيىن كوتەرىلەدى»، - دەپ حابارلادى وزگيدرومەت.

ۆەدومستۆونىڭ حابارلاۋىنشا، رەسپۋبليكا بويىنشا كەي جەرلەردە جەلدىڭ ەكپىنى 15-20 م/س- قا دەيىن كۇشەيەدى. جەكەلەگەن اۋدانداردا ەكپىنى 22-25 م/س- قا دەيىن جەتۋى مۇمكىن.