تانىستارىن جۇمىسقا الىپ، 46 ميلليون تەڭگە زالال كەلتىرگەن «وزەن مۇنايگاز» باسشىسى ۇستالدى

اقتاۋ. قازاقپارات - ماڭعىستاۋ وبلىسى بويىنشا ەكونوميكالىق تەرگەپ- تەكسەرۋ دەپارتامەنتى لاۋازىمدىق وكىلەتتىگىن اسىرا پايدالانىپ، اۋىر سالدارعا الىپ كەلدى دەگەن كۇدىكپەن «وزەن مۇنايگاز» ا ق باس ديرەكتورىنىڭ ورىنباسارى ب. مامبەتساپايەۆتى ۇستادى، دەپ حابارلايدى قازاقپارات.

ب. مامبەتساپايەۆ لاۋازىمدىق مارتەبەسىن پايدالانىپ، جۇمىسقا قابىلداۋ تۋرالى بەكىتىلگەن قاعيدالاردى ورەسكەل بۇزىپ، ءوزىنىڭ ءبىرقاتار تانىستارىن «وزەن مۇنايگاز» ا ق- نا زاڭسىز كىرگىزگەن.

دەگەنمەن، كومپانياعا جۇمىسقا كىرۋگە جاڭاوزەن قالاسىنىڭ 9 مىڭنان استام تۇرعىنى كەزەككە تىركەلگەن.

تانىستارىنىڭ جۇمىسسىز قاتارىندا بولماعانىن، ءتيىستى ماماندىققا بىلىكتىگى سايكەس كەلمەيتىنىن جانە جۇمىسقا مۇلدەم كەلمەگەنىن ب. مامبەتساپايەۆ انىق بىلگەن.

ب. مامبەتساپايەۆتىڭ زاڭسىز ءىس- ارەكەتىنەن مەملەكەتكە 46 ميلليون تەڭگەدەن استام زالال كەلدى.

بۇل جاڭاوزەن قالاسى تۇرعىندارىنىڭ كومپانياعا جۇمىسقا ورنالاسۋ قۇقىعىنىڭ ورەسكەل بۇزىلۋىنا اكەپ سوققان.

تەرگەۋ ب. مامبەتساپايەۆتىڭ باسقا دا زاڭسىز ارەكەتتەرى، كومپانيانىڭ لاۋازىمدى تۇلعالاردىڭ جانە مەردىگەر مەكەمەلەردىڭ بيۋدجەت قاراجاتىن جىمقىرۋ فاكتىلەرى تەكسەرىلىپ جاتىر.

تەرگەۋ جۇمىستارى جالعاسۋدا.

قىلمىستىق پروتسەستىك كودەكستىڭ 201-بابىنا سايكەس وزگە مالىمەتتەر تەرگەۋ مۇددەسى ءۇشىن جاريالانبايدى.