جامبىل وبلىسى بويىنشا يندۋستريالاندىرۋ كارتاسىنا 46 جوبا كىردى

تاراز. قازاقپارات - جامبىل وبلىسى بويىنشا يندۋستريالاندىرۋ كارتاسىنا 2010-2014-جىلدار مەن 2015-2019-جىلدارعا 46 جوبا كىردى.

بۇل تۋرالى بريفينگ بارىسىندا ستاتيستيكا دەپارتامەنتى باسشىسىنىڭ ورىنباسارى ينگا شيەۆتسوۆا مالىمدەدى.

«2016-جىلدىڭ قاڭتار ايى بويىنشا نەگىزگى كاپيتال 6,5 ميلليارد تەڭگەنى نەمەسە 2015-جىلدىڭ سايكەس كەزەڭى بويىنشا 150,1 پايىزدى قۇرادى. كولەمنىڭ ارتۋىنا «ازياتسكي گازوپروۆود» ج ش س- ءنىڭ «قازاقستان-قىتاي» ماگيسترالدىق گاز قۇبىرىنىڭ قۇرىلىسىن ينۆەستيتسيالاۋى سەبەپ بولدى».

ينۆەستيتسيانىڭ جالپى كولەمىنىڭ نەگىزگى بولىگىن 51 پايىز (3,3 ميلليارد تەڭگە) «كولىك جانە قاتتاۋ» سالاسىن ينۆەستيتسيالاۋ الادى.

جامبىل وبلىسى بويىنشا يندۋستريالاندىرۋ كارتاسىنا 2010-2014-جىلدار مەن 2015-2019-جىلدارعا 46 جوبا كىردى. وسى ۋاقىت ارالىعىندا 25 جوبا اياقتالدى، ال قالعانى الداعى جىلدارى جۇزەگە اسىرىلماق، دەپ اتاپ ءوتتى ينگا شيەۆتسوۆا.