12:04, 15 - اقپان 2023 | GMT +6
عالىمدار باقىتتى عۇمىر 45 جاستان باستالادى دەپ تۇجىرىمدادى
استانا. قازاقپارات - باقىتتى عۇمىر 45 جاستان باستالادى. مۇنداي تۇجىرىمدى ا ق ش پەن ۇلى بريتانيانىڭ 10 مىڭنان استام تۇرعىنىنىڭ دەنساۋلىعى مەن ءومىر سالتىن زەرتتەگەن ۋورۆيك ۋنيۆەرسيتەتىنىڭ عالىمدارى جاساپ وتىر.
The Daily Mail باسىلىمىنىڭ حابارلاۋىنشا، عالىمدار سىناققا قاتىسۋشىلاردى سەگىز فاكتور بويىنشا زەرتتەگەن. الەۋمەتتىك-پسيحولوگيالىق ەرەكشەلىكتەردى قامتىعان زەرتتەۋدىڭ ناتيجەسىندە ادامنىڭ باقىت دەگەندى 45 جاسىنان باستاپ سەزىنە تۇسەتىنى بەلگىلى بولدى.
بۇل مەزگىلدە كارىلىك تە باستالىپ، دەنساۋلىقتىڭ سىر بەرە باستايتىنى تاعى بار. عالىمداردىڭ ايتۋىنشا، «باقىتتىلىق» دەڭگەيىنىڭ تۇراقتى تۇردە ارتۋىنا بايلانىستى ادام كارىلىكتى سەزىنبەي قالۋى دا مۇمكىن. «ءبىزدىڭ ويىمىزشا، جاس ۇلعايعان سايىن ادام ءاربىر جاعىمسىز جايتتارعا ءتوزىمدى بولا باستايدى. جاستارعا قاراعاندا الدىڭعى بۋىن پسيحولوگياسىنىڭ قورعانۋ تەتىكتەرى مىعىم بولادى»، - دەيدى زەرتتەۋ توبىنىڭ جەتەكشىسى ساۆەريو سترەيندجەرس.