اۋىر سالماقتاعى قازاقستاندىق نوكاۋتشى تيتۋل ءۇشىن 45 جاستاعى امەريكالىقپەن ايقاسادى

نۇر-سۇلتان. قازاقپارات - بىردە ءبىر رەت جەڭىلمەگەن قازاقستاندىق ءبىرىنشى اۋىر سالماقتاعى بوكسشى، «پاندا» ەسىمىمەن بەلگىلى سەرىك ءمۇسادىلوۆ (9-0، 9 ك و) 9- شىلدە كۇنى ماياميدە (ا ق ش، فلوريدا شتاتى) رينگكە ورالۋعا جوسپارلاپ وتىر، دەپ حابارلايدى قازاقپارات Sports.kz سايتىنا سىلتەمە جاساپ.

BoxRec.com اقپاراتىنشا، 26- جاستاعى ءمۇسادىلوۆتىڭ قارسىلاسى امەريكانىڭ 45 جاستاعى بوكسشىسى رۋەل ۋيليامس (8-1، 3 ك و).

جەكپە-جەكتە جەڭىسكە جەتكەن سپورتشى NABA- نىڭ كرۋزەرۆەيتتەگى چەمپيونى اتاعىنا يە بولادى. جەكپە-جەك سەگىز راۋندتقا ەسەپتەلگەن.

سەرىك ءمۇسادىلوۆ بۇعان دەيىن 22- مامىردا فلوريدا شتاتىنىڭ مەدلي قالاسىندا جۇدىرىقتاسىپ، ءبىرىنشى راۋندتا امەريكاندىق كيەۆين براۋندى (2-15، 1 ك و) نوكاۋتقا جىبەردى.

بۇل ونىڭ توعىزىنشى رەت ۋاقىتىنان ەرتە اياقتاعان جەكپە-جەگى بولدى.