ەلەكتروندىق ەڭبەك بيرجاسى سايتىندا 45 مىڭ بوس جۇمىس ورىن بار - ءامىر سۇلەيمەنوۆ

استانا. قازاقپارات - 2018 -جىلى ەلەكتروندىق ەڭبەك بيرجاسى ارقىلى 380 مىڭ قازاقستاندىق تۇراقتى جۇمىس ورنىن تاپتى. بۇل تۋرالى حالىقارالىق اقپاراتتىق تەحنولوگيالار مەكتەبىنىڭ باسشىسى ءامىر سۇلەيمەنوۆ ءمالىم ەتتى، دەپ حابارلايدى قازاقپارات ءتىلشىسى.

«ەڭبەك جانە حالىقتى الەۋمەتتىك قورعاۋ مينيسترلىگى enbek.kz ەلەكتروندىق ەڭبەك بيرجاسىن ىسكە قوستى. وندا

HeadHunter, Rabota.nur.kz, market.kz, rabota.kz 

جانە باسقا دا قازاقستانداعى ءىرى ەلەكتروندىق ونلاين- بيرجالارى بار. سونداي- اق، enbek.kz سايتىندا جۇمىسقا ورنالاستىراتىن 50 جەكە اگەنتتىكتىڭ اقپاراتتارى بار. سونىڭ ارقاسىندا enbek.kz قازاقستانداعى ءىرى ەلەكتروندىق ەڭبەك بيرجاسىنا اينالدى. قازىرگى تاڭدا سايتتا 45 مىڭ بوس جۇمىس ورنى ۇسىنىلىپ وتىر جانە 364 مىڭ جۇمىس ىزدەۋشى تىركەلگەن»، - دەدى ءا. سۇلەيمەنوۆ.

 ونىڭ ايتۋىنشا، enbek.kz سايتىنا ەلەكتروندىق سيفرلىق قولتاڭبانىڭ كومەگىمەن تىركەلگەننەن كەيىن، قولدانۋشى بوس جۇمىس ورنىن وڭاي جاريالاي الادى نەمەسە كەرىسىنشە، تۇيىندەمەسىن تىركەي الادى. قىزمەتتەردى وڭىرگە، ماماندىققا جانە باسقا دا قاعيدالار بويىنشا ىزدەۋگە بولادى. سونداي- اق، مۇمكىندىگى شەكتەۋلى جاندار جانە جاستار ءۇشىن جۇمىس ورىندارى بار. سايتتىڭ ارقاسىندا 2018 -جىلى 380 مىڭ قازاقستاندىق تۇراقتى جۇمىس ورىندارىن تاپتى.