شىمبۇلاقتا جاۋعان قاردىڭ قالىڭدىعى 45 سانتيمەترگە جەتتى

الماتى. قازاقپارات - الماتى قالاسىندا قار ارالاس جاڭبىر جاۋدى، دەپ حابارلايدى قازاقپارات ءتىلشىسى.

تابيعي رەسۋرستار جانە تابيعاتتى پايدالانۋدى رەتتەۋ باسقارماسى تاراتقان حابارلاماعا قاراعاندا، قالادا تابيعاتتىڭ توسىن مىنەزىنەن شىمبۇلاق اۋماعىندا جاۋعان قاردىڭ قالىڭدىعى 45 سانتيمەترگە دەيىن جەتسە، قالادا 15 سانتيمەتردى قۇرادى.

كوممۋنالدىق قىزمەتتەر قار جاۋعان كەزدەن باستاپ جولدارعا مۇزدى ەرىتەتىن ماتەريالداردى سەبە باستادى. قار جاۋعان كەزدە 1600 توننا مۇزدى ەرىتەتىن ماتەريالدار پايدالانىلدى»، - دەلىنگەن باسقارمانىڭ حابارلاماسىندا.

باسقارمانىڭ مالىمدەۋىنشە، قالانىڭ جوعارعى بولىگىندە قاردى شىعارۋ جۇمىستارى ۇيىمداستىرىلدى. 3- ناۋرىز كۇنگى ساعات 10:00 دەگى جاعداي بويىنشا 1400 تەكشە مەتر قار شىعارىلعان.

قار تازالاۋ جۇمىستارىنا تۇنگى ۋاقىتتا 407 بىرلىك ارنايى تەحنيكا، 805 جول جۇمىسشىسى جۇمىلدىرىلدى. كۇندىزگى ۋاقىتتا قاردى تازالاۋ جۇمىستارىنا 606 بىرلىك ارنايى تەحنيكا جانە 1280 جول جۇمىسشىسى شىقتى. اۋداندىق اكىمدىكتەردە جانە قالالىق اكىمدىكتە قاردى تازالاۋ جونىندەگى جۇمىستاردى باقىلاۋ بويىنشا تاۋلىكتىك كەزەكشىلىك ۇيىمداستىرىلعان.