تاعى 45 سپورتشى دوپينگ داۋىنا ىلىكتى
بۇل تۋرالى مالىمەتتى حالىقارالىق وليمپيادا كوميتەتى تاراتتى.
اتالعان مالىمەتكە سۇيەنسەك، بەيجىڭ مەن لوندون وليمپيادالارىنا قاتىسقان سپورتشىلاردىڭ دوپينگ سىنامالارىن قايتا تەكسەرگەن كەزدە 45 سپورتشىنىڭ قانىنان تىيىم سالىنعان پرەپارات بەلگىلەرى تابىلعان. ح و ك سپورتشىلاردىڭ اتى-جوندەرى مەن ەلدەرىن جاريالاماي وتىر. ءبىراق ولاردىڭ 30 ى بەيجىڭگە 8 ەلدىڭ اتىنان بارعان، 15 ءى لوندونعا 9 ەلدىڭ اتىنان بارعان سپورتشىلار ەكەنى ايتىلادى. بۇلاردىڭ ىشىندە 23 ادام - بەيجىڭ وليمپياداسىندا جۇلدەگەر اتانعان سپورتشىلار.
ح و ك اقپاراتىنا سۇيەنسەك، ءبىرىنشى جانە ەكىنشى تەكسەرۋ كەزىندە 1243 سىناما تەكسەرىلگەنىن، الداعى ۋاقىتتا ءالى ەكى تەكسەرۋ جۇمىستارى بار ەكەنى ايتىلعان.
ەستەرىڭىزگە سالا كەتەيىك، وسىعان دەيىن حالىقارالىق اۋىر اتلەتيكا فەدەراتسياسى (IWF) قازاقستاندىق اۋىر اتلەت يليا يليننىڭ بەيجىڭ مەن لوندون وليمپيادالارى كەزىندە، ال ءزۇلفيا چينشانلو، مايا مانەزا جانە سۆەتلانا پودوبەدوۆا ۇشەۋى سوڭعى وليمپيادادا دوپينگ قولداندى دەپ، جارىستاردان شەتتەتكەن بولاتىن. بۇل اتى اتالعان سپورتشىلار بيىلعى ريو وليمپياداسىنا قاتىسپايدى.
اۆتور: كۇنسۇلتان وتارباي
