الەمدە 45 ميلليون ادام قۇلدىقتا ءجۇر - زەرتتەۋ

استانا. قازاقپارات - حالىقارالىق Walk Free Foundation قورى جىل سايىنعى جاھاندىق قۇلدىق يندەكسىن جاريالادى، - دەپ حابارلايدى Tengrinews.kz ءتىلشىسى.

زەرتتەۋشىلەردىڭ مالىمەتىنشە، قازىر الەم بويىنشا 45,8 ميلليون ادام قۇلدىقتا ءجۇر ەكەن. سونىمەن قاتار، بۇل كورسەتكىشتىڭ 2014-جىلعى يندەكسكە قاراعاندا ون ەسە ارتىق ەكەنى بەلگىلى بولدى.

جىل سايىن جاھاندىق قۇلدىق يندەكسىنە 167 ەلدىڭ مالىمەتتەرى الىنادى. Walk Free Foundation مالىمەتتەرىنە سۇيەنسەك، قازىردىڭ وزىندە رەسەيدە ءبىر ميلليونعا جۋىق ادام قۇلدىقتا.

جاريالانعان مالىمەتتەر بويىنشا، قۇلدىقتا جۇرگەن ادامدار سانى كوپ ەلدەردىڭ اراسىندا سولتۇستىك كورەيا (4,37 پايىز)، وزبەكستان (3,97 پايىز)، كامبودجا (1,65 پايىز)، سونىمەن قاتار، ءۇندىستان مەن كاتار بار. قۇلدىقتاعىلاردىڭ سانى جونىنەن ءۇندىستان (18,35 ميلليون) كوش باستاپ تۇر ەكەن. ودان كەيىنگى ورىنداردا - قىتاي (3,39 ميلليون) جانە پاكىستان (2,13 ميلليون).

ال ليۋكسەمبۋرگ، يرلانديا، نورۆەگيا، دانيا، شۆەيتساريا، اۆستريا، شۆەتسيا جانە بەلگيا، ا ق ش جانە كانادا بۇل تىزىمدە سوڭعى ورىنداردان كورىندى. «بۇل ەلدەردە ەكونوميكالىق جاعداي تۇراقتانعان، سونىمەن قاتار جانجال دەڭگەيى تومەن»، - دەدى ماماندار.