الماتى ستۋدەنتتەرى قاقپالارعا قازاق حالقى جايلى 45 مەترلى سۋرەت سالدى - فوتو
بۇل تۋرالى ەكسپرەسس ك حابارلايدى.
ۇزىندىعى 45 مەتر بولاتىن سۋرەتتى سالۋعا 130 كەلى بوياۋ كەتكەن. ستۋدەنتتەرى قۇيماتاسقا نەبىر كلاسسيكالىق تۋىندىلار سالۋعا بولاتىنىن دالەلدەمەك.
ءالي باقتىگەرەيەۆتىڭ جەتەكشىلىگىمەن قولعا الىنعان جۇمىس اياقتالۋعا جاقىن.
قولدارىنا قىلقالامىن ۇستاعان سۋرەتشىلەردىڭ جۇمىسىنان كوشپەلى قازاق ءومىرىنىڭ تاريحىن بىلۋگە بولادى. سۋرەتشىلەر قۇيما قابىرعالارعا شاۋىپ بارا جاتقان جىلقىلاردى، اق كەپتەرلەر مەن شىعىستىڭ سۇلۋ قىزدارىن، الىپ باتىرلار مەن اقساقالداردى، قوناقتارىن نانمەن قارسى الىپ جاتقان ءۇي يەسىن سالۋدى ءجون كورىپتى.
توپ قۇرامىندا ايجاركىن اسپاندياروۆا، يرينا پيساريۋك، الەكساندرا سابلۋكوۆا، يانا كليۋكينا، انەل اسكار جانە زارينە كيراكوسيان مەن جوبا كوورديناتورى جازيرا جۇماشيەۆا بار.
«سوڭعى كەزدەرى ادامدار وكىنىشكە قاراي ناۋرىز مەرەكەسىنىڭ ءمانىن تۇسىنبەي بارا جاتىر. ولار ۇستەل باسىنا جينالىپ الىپ، تاڭنان كەشكە دەيىن تاماقتانادى. بۇل دۇرىس ەمەس. ناۋرىزدا ادامدار مەيىرىم كورسەتىپ، جاقسىلىق جاساۋى كەرەك. ءبىز تۋعان قالامىز ءۇشىن قانداي يگى ءىس جاساي الامىز دەپ ويلانىپ، اقىرىندا «مەنىڭ وتانىم» اتتى سۋرەتتى سالۋدى كۇپ كوردىك. بارلىعىىزدى 14 -ءساۋىر كۇنى بولاتىن ناۋرىز مەرەكەسىن تويلاۋعا شاقىرامىز. قوناقتاردى كەرەمەت توسىنسىيلار كۇتىپ تۇر. سونىمەن قاتار ءبىزدىڭ جۇمىسىمىزدى دا باعالايتىن بولادى»، - دەيدى ءالي باقتىگەرەيەۆ.
