فيزيكا بويىنشا 45-حالىقارالىق وليمپيادادا: قازاقستان ۇزدىك وندىقتىڭ قاتارىندا
كوماندالىق ەسەپتە قازاقستان 8-ورىندا تۇعىرلاندى.
ايتا كەتەيىك، 13 - شىلدەدە باستالعان بۇل ءبىلىم سايىسى ەلورداداعى نازاربايەۆ ۋنيۆەرسيتەتى بازاسىندا ءوتتى. اتاپ ايتقاندا، فيزيكادان استانادا ۇيىمداستىرىلعان وسى ءبىلىم دوداسىنا قازاقستانعا الەمنىڭ 85 ەلىنەن 400 گە جۋىق وقۋشى كەلدى.
قازاقستان نامىسىن حالىقارالىق وليمپيادادا مەكتەپ وقۋشىلارىنىڭ جاۋتىكوۆ حالىقارالىق وليمپياداسىنىڭ التىن مەدال يەگەرى، فيزيكادان ازيا وليمپياداسىنىڭ كۇمىس جۇلدەگەرى، فيزيكادان حالىقارالىق وليمپيادا كۇمىس مەدالى مەن رەسپۋبليكالىق پاندىك وليمپياداداعى التىن مەدال يەگەرى ءامىر ءبىرالين، حالىقارالىق جاۋتىكوۆ وليمپياداسى كۇمىس مەدالىنىڭ، رەسپۋبليكالىق ءپان وليمپياداسىنىڭ التىن مەدالىنىڭ يەگەرى يسا دانات، رەسپۋبليكالىق ءپان وليمپياداسى التىن مەدالىنىڭ جانە فيزيكادان حالىقارالىق وليمپيادانىڭ قولا مەدالىنىڭ يەگەرى نۇربەك دىنمۇحاممەد، «تۋيماادا» مەكتەپ وقۋشىلارى حالىقارالىق وليمپياداسى قولا مەدالىنىڭ، حالىقارالىق جاۋتىكوۆ وليمپياداسى كۇمىس مەدالىنىڭ، فيزيكادان ازيا وليمپياداسى قۇرمەت گراموتاسىنىڭ جانە رەسپۋبليكالىق ءپان وليمپياداسى التىن مەدالىنىڭ يەگەرى تۇرسىنبەك نۇريسلام، جاسوسپىرىمدەر اراسىنداعى جاراتىلىستانۋ عىلىمدارى وليمپياداسى مەن حالىقارالىق جاۋتىكوۆ وليمپياداسى كۇمىس مەدالىنىڭ، رەسپۋبليكالىق ءپان وليمپياداسى التىن مەدالىنىڭ يەگەرى داۋلەت قۇرمانتايەۆ قورعادى.
بىرنەشە كۇننەن بەرى جاس فيزيكتەر 2 تۋرعا قاتىسىپ، تەوريالىق جانە ەكسپەريمەنتتىك تۇرعىدا قازىرگى زامانعى فيزيكا سالاسىندا وزدەرىنىڭ ءبىلىم دەڭگەيىن كورسەتتى. ەكى تۋردىڭ قورىتىندىسى بويىنشا 45-شى IPhO- نىڭ حالىقارالىق قازىلار القاسى جەڭىمپازدار مەن جۇلگەگەرلەردى انىقتادى.
جەڭىمپازداردىڭ ەسىمدەرى بۇگىن تۇستەن كەيىن بەيبىتشىلىك جانە كەلىسىم سارايىندا ماراپاتتاۋ راسىمىندە بەلگىلى بولادى. حالىقارالىق وليمپيادانىڭ باستى ناگرادالارىن (I، II، III دارەجەلى مەدالدار مەن ديپلومدار) الەم وقۋشىلارىنا ق ر ءبىلىم جانە عىلىم ءمينيسترى اسلان ءسارىنجىپوۆ پەن فيزيكا بويىنشا حالىقارالىق وليمپيادانىڭ پرەزيدەنتى جوردەن حانس تاپسىرادى.
اۆتور: رۋسلان عابباسوۆ
