دوللار قۇنى 450 تەڭگەگە كوتەرىلۋى مۇمكىن

استانا. قازاقپارات - قارجى ساراپشىلارى وسىنداي بولجام جاساپ وتىر. تەڭگە باعاسى، اسىرەسە، قاراشانىڭ سوڭىنا قاراي سىر بەرۋى ىقتيمال.

بۇل تۋرالى ك ت ك حابارلايدى.

ساراپشىلاردىڭ پىكىرىنشە، مۇناي باعاسىنىڭ تۇسۋىنە بايلانىستى بيۋدجەت شىعىنىن جابۋ كەرەك. سونىمەن قاتار، ءتۇرلى جوبالارعا جۇمسالعان قارجى مەن بانكتەردى قولداۋعا بولىنگەن ميلليونداردىڭ ورنىن تولتىرۋ مىندەتى تۇر.

اينالىپ كەلگەندە، مەملەكەت مۇنىڭ ءبارىن تەڭگەنى السىرەتۋدىڭ ەسەبىنەن جۇرگىزۋى مۇمكىن دەيدى بىلەتىندەر. ويتكەنى، قازىرگى ۋاقىتتا ەكىنشى دەڭگەيلى بانكتەر جاپاتارماعاي دوللاردى ساتىپ الىپ جاتىر ەكەن. وسىنداي جاعداي ەكى جىل بۇرىن دا بولعان ەدى. سول كەزدە تەڭگە قاتتى قۇلدىراپ، قارا حالىق سان سوعىپ، بانكتەر پايداعا كەنەلگەن بولاتىن.

«مەنىڭ ويىمشا، بيىل قاراشا ايىنىڭ باسىندا نەمەسە سوڭىنا قاراي ۇلتتىق بانك تەڭگە باعامىن ارزانداتادى. ناقتى باعاسىن دا ايتا الامىن: دوللار قۇنى شامامەن 420-450 تەڭگەنىڭ اينالاسىندا بولادى. ءبىز، ارينە، تەك بولجايمىز. ءبىراق، بولجامىمىز وسىنداي»، - دەدى TeleTrade Central Asia ساراپشىلار توبىنىڭ جەتەكشىسى سەرگەي پولىگالوۆ.