45 جوبانىڭ يەسى ۋتيلالىم قارجىسىنان باس تارتقان

استانا. KAZINFORM - ەكولوگيا جانە تابيعي رەسۋرستار ءمينيسترى ەرلان نىسانبايەۆ ۇكىمەت وتىرىسىندا ۋتيلالىم قارجىسىنىڭ ەسەبىنەن ىسكە اسىرىلاتىن جوبالار تۋرالى مالىمەت بەردى.

Утилизация йиғими
Фото: Midjourney

- مەملەكەت باسشىسىنىڭ تاپسىرماسىن ورىنداۋ اياسىندا مينيسترلىك، اكىمدىكتەر ۇسىنعان، ۋتيلتولەمدەر ەسەبىنەن قارجىلاندىرىلاتىن 232 ميلليارد تەڭگەگە 94 جوبادان تۇراتىن پۋل ازىرلەدى. قازىرگى كەزدە مالىمدەلگەن 94 جوبانىڭ 45 ءى باعدارلاماعا قاتىسۋدان باس تارتتى. اكىمدىكتەر جوبالاردى تولىققاندى پىسىقتاپ، قالىپتاستىرۋ كەزىندە قاتىسۋعا مۇمكىندىگى جوق جوبالاردى الىپ تاستاعاندا بۇنداي جاعداي بولمايتىن ەدى، - دەدى ەرلان نىسانبايەۆ.

مينيستر ۋتيلالىم قارجىسىنان باس تارتقان جوبالار اسىرەسە تۇركىستان جانە جەتىسۋ وبلىستارىندا كوپ ەكەنىن اتاپ ءوتتى.

- سونىمەن قاتار وڭىرلەردىڭ اكىمدىكتەرى جوبالاردى سۇيەمەلدەۋ بويىنشا جۇمىستى ءتيىستى دەڭگەيدە جۇرگىزبەدى. ءاربىر جوبانى پىسىقتاۋ بارىسىندا اكىمدىكتەردىڭ جانىنداعى قۇرىلىمدار قاجەتتى دەڭگەيدە قولداعان جاعدايدا قۇجاتتاردى تاپسىرۋ مەرزىمدەرىن جانە ولاردى كەلىسۋ پروتسەسىن ايتارلىقتاي قىسقارتۋعا بولار ەدى. وسىعان بايلانىستى اكىمدىكتەرگە جوبالاردى ىسكە اسىرۋدىڭ جولدارىن قايتا قاراستىرۋ قاجەت، - دەدى ۆەدومستۆو باسشىسى.

بۇعان دەيىن «تازا قازاقستان» اكسياسىندا ميلليون تونناعا جۋىق قوقىس شىعارىلعانى ايتىلعان ەدى.

سوڭعى جاڭالىقتار