يتاليادا قىلمىس الەمىنىڭ بەلدى مۇشەلەرىنەن 45 كەلى التىن، 2 توننا كۇمىس تاركىلەندى
رەسەي قۇقىق قورعاۋ ورگاندارىنداعى اقپارات كوزى «روسبالتقا» حابارلاۋىنشا، جۋىردا يتالياندىقتار ر ف ءى ءى م وكىلدەرىنە «كۋرا» ارنايى وپەراتسياسىنىڭ اياقتالعانى تۋرالى ايتقان. ونىڭ سوڭعى كەزەڭى 2014 - جىلدىڭ شىلدەسىندە نوۆارو جانە ميلان قالالارىندا وتكەن. كارابينەرلەر 10 عا جۋىق گانگستەردى ۇستاعان. ونىڭ ىشىندە قىلمىس الەمىنىڭ بەلدى مۇشەسى گوگيتا دەگەن ەسىممەن بەلگىلى گوچي مايسۋرادزە دە بار.
«ورىس مافياسى» وكىلدەرىنىڭ پاتەرلەرى مەن كوتەدجدەرىن تەكسەرۋ بارىسىندا 45 كەلى التىننان جاسالعان بۇيىم، 2 توننادان استام كۇمىستەن جاسالعان اشەكەي بۇيىمدارى مەن ىدىس، سونىمەن بىرگە 3 ميلليون ەۋرو كولەمىندەگى ءتۇرلى ۆاليۋتاداعى اقشا تاركىلەندى. بۇل زاتتاردىڭ بارلىعىن ۇيىمداسقان توپ مۇشەلەرى جەكە ۇيلەردەن ۇرلاعان زاتتار.
«كۋرا» وپەراتسياسى 2013 - جىلدىڭ ماۋسىمىندا باستالعان جانە ءبىر جىلدان استام ۋاقىتقا سوزىلدى. شارا بارىسىندا ەۋروپادا 44 گانگستەر ۇستالدى، سونىڭ ىشىندە 20 عا جۋىعى قىلمىس الەمىنىڭ بەلدى مۇشەلەرى. تەمىر توردىڭ ار جاعىندا توپ باسشىسى - مەراب سۋحۋمسكي ەسىمىمەن بەلگىلى «كريمينالدى گەنەرال» مەراب دجانگۆەلادزە جازاسىن وتەيتىن بولدى.
