پرەزيدەنتتىڭ 44 تاپسىرماسى ورىندالدى
«ەلدەگى الەۋمەتتىك- ەكونوميكالىق جانە قوعامدىق ساياسي جاعدايدى تۇراقتاندىرۋ ماقساتىندا وسى جىلدىڭ قاڭتار ايىنان باستاپ مەملەكەت باسشىسى جەدەل جانە جۇيەلى سيپاتتاعى 140 تاپسىرما بەردى. بۇگىنگى تاڭدا 44 تاپسىرما ورىندالدى، 32 تاپسىرما اياقتالۋ ساتىسىندا»، - دەدى مينيستر.
ونىڭ اتاپ وتۋىنشە، ۇكىمەتتىڭ كەڭەيتىلگەن وتىرىسىندا مەملەكەت باسشىسى حالىقتىڭ ءال- اۋقاتى مەن تابىسىن ارتتىرۋ، تەڭسىزدىكتى ازايتۋ جانە جۇمىس ورىندارىن اشۋ، ينۆەستيتسيالار تارتۋ، شاعىن جانە ورتا بيزنەستى دامىتۋ جونىندە ناقتى مىندەتتەر قويدى.
«وسى مىندەتتەر اياسىندا ۇلتتىق ەكونوميكا مينيسترلىگىنە 5 تاپسىرما بەكىتىلدى: حالىقتىڭ تابىسىن ارتتىرۋ باعدارلاماسىن ازىرلەۋ؛ ينفلياتسيانى باقىلاۋ جانە تومەندەتۋ بويىنشا شارالار كەشەنىن ازىرلەۋ؛ شاعىن بيزنەستى قولداۋعا، قورعاۋعا جانە دامىتۋعا باعىتتاي وتىرىپ «اتامەكەن» ۇ ك پ- نى رەفورمالاۋ؛ «قاراپايىم زاتتار ەكونوميكاسى» باعدارلاماسىنىڭ تيىمدىلىگىنە تالداۋ جۇرگىزۋ؛ ماينينگكە سالىقتى بىرنەشە ەسە ارتتىرۋ» ، - دەدى الىبەك قۋانتىروۆ.
