ەكسپوعا 44 ەلدىڭ وكىلدەرى بيلەت ساتىپ الدى
بۇل تۋرالى « ەكسپو-2017» كورمەسىنىڭ رەسمي اشىلۋ راسىمىندە حابارلاندى. «استانا ەكسپو-2017» ۇ ك» ا ق باسقارما ءتوراعاسى احمەتجان ەسىموۆ ءوزىنىڭ سوڭعى سۇحباتىندا استاناعا ەكسپو كەزىندە 5 ميلليونعا جۋىق تۋريستەر كەلەدى دەپ بولجام ايتقان جانە بيلەت ساتىپ العاندار اراسىندا 44 ەلدىڭ وكىلدەرى بار ەكەنىن مالىمدەدى.
شەتەلدىك تۋريستەردىڭ باسىم بولىگى رەسەي مەن قىتايدان كەلەتىن كورىنەدى.
ايتا كەتەيىك، استانادا «ەكسپو-2017» حالىقارالىق مامانداندىرىلعان كورمەسىنىڭ سالتاناتى اشىلۋ ءراسىمى باستالدى.
وعان 17 مەملەكەت جانە ۇكىمەت باسشىلارى ارنايى كەلدى. ولار قازاقستان ەكسپوزيتسيالارىن تاماشالاپ، كورمە اۋماعى مەن قاتىسۋشى ەلدەردىڭ پاۆيلوندارىمەن تانىس بولدى. رەسمي اشىلۋ بارىسىندا كونگرەسس-ورتالىعىندا تەاترلاندىرىلعان قويىلىم وتەدى جانە ول امفيتەاترداعى كونسەرتتىك باعدارلاماعا ۇلاسادى.
كونسەرت اياقتالعان سوڭ، كورەرمەندەر سفەراداعى پروەكتسيالىق لازەرلى شوۋدى جانە تاڭعاجايىپ وتشاشۋدى تاماشالايدى. «ەكسپو-2017» ت م د ەلدەرىندە وتەتىن العاشقى كورمە بولماق. 2012- جىلدىڭ 22- قاراشاسىندا پاريج قالاسىندا وتكەن حالىقارالىق كورمەلەر بيۋروسى (ح ك ب) EXPO حالىقارالىق بيۋروسىنىڭ باس اسسامبلەياسىنىڭ 152- سەسسياسىندا قازاقستان ەكسپو كورمەسىن وتكىزۋ قۇقىعىن جەڭىپ الدى.
جاسىرىن داۋىس بەرۋ قورىتىندىسى بويىنشا، استانا 103 داۋىس جيناپ، بەلگيانىڭ لەج قالاسىن باسىپ وزدى. اۋماعى 25 گەكتاردى قۇرايتىن كورمە كەشەنىندە 115 مەملەكەتتىڭ پاۆيلونى ورنالاسقان.
ولاردىڭ قاتارىندا ا ق ش، قىتاي، ۇلى بريتانيا، فرانسيا، گەرمانيا، رەسەي، جاپونيا، وڭتۇستىك كورەيا جانە %100 جاڭارتىلاتىن ەنەرگيا كوزدەرى ەسەبىنەن ءومىر سۇرەتىن العاشقى ەل - كوستا-ريكا بار.
ب ۇ ۇ، ش ى ۇ، ماگاتە، ەسكاتو سىندى 22 حالىقارالىق ۇيىم دا «ەكسپو-2017» كورمەسىنە قاتىساتىندارىن رەسمي تۇردە راستادى.
اۆتور: ايجان سەرىكجان قىزى
