دوللار 449 تەڭگەدەن ساتىلىپ جاتىر

الماتى. قازاقپارات - دوللاردىڭ تەڭگەگە شاققانداعى باعامى ءسال ءوستى، دەپ حابارلايدى قازاقپارات ءتىلشىسى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 0,11 تيىنعا ارتتى. ءبىر ا ق ش دوللارىنىڭ ورتاشا باعامى 449,74 تەڭگە. ۇلتتىق بانكتىڭ 12-ساۋىردەگى رەسمي باعامى - 1 دوللار ءۇشىن 449,53 تەڭگە. Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتىلەرىندە دوللاردىڭ ساتۋ باعامى - 450,79 تەڭگە، ساتىپ الۋ - 453,96 تەڭگە.

ال نۇر- سۇلتان قالاسى بويىنشا ساتۋ باعامى - 449,91 تەڭگەدەن بولسا، ساتىپ الۋ قۇنى - 453,46 تەڭگە.

بۇعان دەيىن ۇلتتىق بانك تەڭگە باعامىنىڭ قايتا نىعايىپ كەلە جاتقانىن ايتقان بولاتىن.