وڭتۇستىك قازاقستان وبلىسىندا 449 مەكتەپ جانىندا جىلىجاي ءونىمى اسحانا تاعامدارىن دارۋمەنگە بايىتتى
دەپ حابارلادى و ق و اكىمىنىڭ باسپا ءسوز قىزمەتىنەن.
بۇگىنگە دەيىن 449 ورتا ءبىلىم بەرەتىن مەكتەپ جانىندا شاعىن جىلىجاي جۇمىس جاسايدى. بيىل 56 مەكتەپ جانىنان جالپى كولەمى 168 سوتتىق جىلىجاي سالىنباق. اتاپ ايتساق، ارىستا - 5، تولەبيدە - 10، شاردارادا - 2، ماقتارالدا - 17، كەنتاۋدا - 6، شىمكەنتتە - 16.
وتكەن جىلى مەكتەپ جانىنداعى جىلىجايلاردان 55 توننادان استام كوكونىس جينالدى. الىنعان ونىمدەردىڭ باسىم بولىگى الەۋمەتتىك از قامتىلعان وتباسىلاردان شىققان وقۋشىلارعا اسحانالاردا بەرىلەتىن ىستىق تاماققا دارۋمەن رەتىندە پايدالانىلدى. مەكتەپ جانىنان جىلىجاي قۇرۋدىڭ باستى ماقساتى - وقۋ- تاجىريبەلىك ۋچاسكەسى رەتىندە پايدالانىپ، بيولوگيا، تابيعاتتانۋ، ەڭبەك پاندەرىندە پراكتيكالىق ساباقتار وتكىزۋ، سونداي- اق وقۋشىلارعا قازىرگى نارىقتىق زاماندا اۋىل شارۋاشىلىق ونىمدەرىن ءوندىرۋدىڭ ءتيىمدى جولدارىن مەڭگەرتۋ.
