44 گرادۋس قاتتى ىستىق: الداعى ەكى كۇنگە ارنالعان اۋا رايى بولجامى

استانا. KAZINFORM - «قازگيدرومەت» ر م ك- سى شىلدەنىڭ 16-17-ارالىعىنداعى كۇن رايى بولجامىن جاريالادى.

- قازاقستان اۋماعىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى جاڭبىر، نايزاعاي كۇتىلەدى. 16-شىلدەدە باتىستا، سولتۇستىكتە، 17-شىلدەدە سولتۇستىك-باتىستا جانە سولتۇستىكتە قاتتى جاڭبىر، بۇرشاق، داۋىلدى جەل بولجانادى. تەك ەلدىڭ وڭتۇستىگىندە جاۋىن-شاشىنسىز، ىستىق اۋا رايى كۇتىلەدى. رەسپۋبليكا بويىنشا جەلدىڭ كۇشەيۋى بولجانادى، ال سولتۇستىك- باتىستا تۇندە جانە تاڭەرتەڭ تۇمان تۇسەدى، - دەلىنگەن حابارلامادا.

كۇندىز 16- 17-شىلدەدە رەسپۋبليكانىڭ وڭتۇستىك- باتىسىندا وتە قاتتى ىستىق 39- 44 گرادۋس، 17 شىلدەدە ورتالىقتىڭ جەكەلەگەن اۋداندارىندا 40 گرادۋس دەيىنگى وتە قاتتى ىستىق بولجانادى.

وڭتۇستىكتە 40- 44 گرادۋس، وڭتۇستىك- شىعىستا 40- 42 گرادۋس، سولتۇستىك وڭىرلەردە 30- 35 گرادۋس، ال شىعىستا 35- 38 گرادۋس قاتتى ىستىق كۇتىلەدى.

بۇعان دەيىن حابارلانعانداي، قازاقستاننىڭ 16 وڭىرىندە داۋىلدى ەسكەرتۋ جاريالاندى.