11:16, 01 - قاراشا 2018 | GMT +5
جەردىڭ 43 ميلليون شاقىرىم قاشىقتىقتان تۇسىرىلگەن سۋرەتى جاريالاندى
استانا. قازاقپارات -ا ق ش- تىڭ NASA عارىش اگەنتتىگى جەر شارىنىڭ كۇن جاقتان تۇسىرىلگەن سۋرەتىن رەسمي سايتىندا جاريالادى.
سۋرەت كۇندى زەرتتەۋگە ارنالعان Solar Prober Parker زوندىنداعى WISPR قۇرىلعىسى ارقىلى تۇسىرىلگەن.
ول وپتيكالىق سپەكتردەگى سۋرەتتەردى تۇسىرۋگە مۇمكىندىگى بار جالعىز قۇرىلعى.
تومەندەگى سۋرەتتە كورىپ وتىرعانىڭىزداي الىستا اي سىندى جارقىراپ تۇرعان نۇكتە جەر عالامشارى.
سۋرەتتى ۇلكەيتكەندە ونىڭ جانىنان كىشكەنتاي اق نۇكتەنى بايقاي الاسىز، بۇل جەردىڭ سەرىگى - اي.
بۇل سۋرەت جەردەن 43 ميلليون شاقىرىم قاشىقتىقتا تۇسىرىلگەن. تاعى دا سۋرەتتىڭ تومەنگى سول جاعىندا ءسىز ەكى جارقىن نۇكتەنى كورە الاسىز - بۇل بەتەلگەيزە مەن بەللاتريكس جۇلدىزدارى.
قۇرىلعىنىڭ اينالۋىنا بايلانىستى ولار ءبىراز سوزىلىڭقى بولىپ كورىنەدى.
Massaget.kz