افريكانىڭ 43 مەملەكەتى قازاقستاننىڭ دامۋ مودەلىن ۇيرەنۋدە
استانادا قازاقستان مەن افريكا قۇرلىعىنداعى مەملەكەتتەردىڭ ءوزارا تاجىريبە الماسۋى بويىنشا سيمپوزيۋم ءوتىپ جاتىر. شارا اياسىندا افريكالىق 43 مەملەكەتتىڭ وكىلدەرى قازاقستانعا كەلىپ، ەكونوميكالىق وركەندەۋ مەن دامۋدىڭ قازاقستاندىق مودەلىن زەرتتەپ جاتىر.
سيمپوزيۋم بارىسىندا قاتىسۋشىلار شىعىس ەۋروپا مەن پوستكەڭەستىك ەلدەردىڭ دامۋىنا، سونداي-اق ەكونوميكالىق ديۆەرسيفيكاتسيالار مەن قۇرىلىمدىق ترانفورماتسيا ماسەلەلەرىنە ەرەكشە ماڭىز بەرگەن.
سونىمەن قاتار باعدارلاما شەڭبەرىندە افريكا ەلدەرىنىڭ مەملەكەتتىك قىزمەتكەرلەرى قازاقستاننىڭ نەگىزگى يننوۆاتسيالىق-يندۋستريالىق كاسىپورىندارىن ارالاۋعا مۇمكىندىك العان.
اتاپ ايتقاندا، مەيماندار «تۇلپار - تالگو» جولاۋشىلار ۆاگوندارىن شىعاراتىن زاۋىتتىڭ، كۇن پانەلدەرىن وندىرەتىن «استانا سولار» كومپانياسىنىڭ، LED شامدار شىعاراتىن «استانا لەد» كومپانياسىنىڭ جۇمىسىمەن تانىستى.
افريكالىق قوناقتار يندۋستريالىق كاسىپورىنداردىڭ ونىمدىلىگىنە تاڭدانىسىن جاسىرمادى. ەڭ باستىسى، اتالعان كاسىورىنداردا شيكىزاتتىڭ 70 پايىزى جەرگىلىكتى ءونىم ەكەنى ولاردى ءتىپتى قىزىقتىرا تۇسكەن.
افريكادان كەلگەن مەملەكەتتىك قىزمەتكەرلەر كوپتەگەن سۇراقتارىن قويىپ، قازاقستاندىق ءونىمدى ەكسپورتتاۋعا قاتىستى ساۋالدارىنا جاۋاپ الدى.
«ماعان ۆاگون وندىرەتىن زاۋىتتىڭ جۇمىسى وتە ۇنادى. ەڭ قىزىعى، ءدال سول زاۋىتتا ەرلەرمەن تىزە قوسىپ، نازىك جاندىلاردىڭ دا ەڭبەك ەتىپ جۇرگەنى قىزىقتىرا ءتۇستى. ايەلدەر اكىمشىلىك سالادا عانا ەمەس، وندىرىستىك سالادا دا كوپ ەكەن»، - دەيدى بوتسۆانا مەملەكەتىنىڭ يننوۆاتسيالار مەن دامۋ مينيسترلىگىنىڭ وكىلى روزينا بونتسي.
اۆتور: ايان بەكەن ۇلى
