11:47, 12 - قازان 2017 | GMT +5
شۆەيتساريادا قۇبىرلارعا جىل سايىن 43 كەلىدەن استام التىن اعىزىلادى
استانا. قازاقپارات - شۆەيتساريا دەنساۋلىق ساقتاۋ مينيسترلىگىنىڭ تاپسىرىسىمەن Eawag سۋ ايدىندارىن زەرتتەۋ ورتالىعىنىڭ ەكولوگيالىق حيميكتەرى جۇرگىزگەن زەرتتەۋگە سايكەس، ەلدەگى كارىز جۇيەسىنە جىل سايىن 43 كەلى التىن جانە ءۇش توننا كۇمىس اعىزىلادى.
سۋعا كەتەتىن باعالى مەتالداردىڭ جالپى قۇنى دەرلىك 2 ميلليون ا ق ش دوللارىنا دەيىن بارادى. زەرتتەۋشىلەر كارىز جۇيەسىنە التىننىڭ ساعات جانە اففيناج زاۋىتتارىنان كەلەتىنىنە سەنىمدى. سۋداعى قۇندى مەتالل كونسەنتراتسياسىنىڭ اتالعان زاۋىتتارعا جاقىن ماڭدا جوعارى بولۋىن زەرتتەۋشىلەر وسىمەن تۇسىندىرۋدە.
عالىمداردىڭ سوزىنە قاراعاندا، سۋ تازارتۋ ستانسالارىنان تابىلعان باعالى مەتالدار قورشاعان ورتاعا زيان تيگىزبەيدى، ال اينالىمعا قايتارۋ ءۇشىن التىن بولشەكتەرىن ىزدەۋ ەكونوميكالىق تۇرعىدان قاراعاندا ەشقانداي پايدا اكەلمەيدى.
