08:08, 09 - ءساۋىر 2016 | GMT +5
اقتوبە اكىمىنىڭ ورىنباسارى 42 جاسىندا العاش رەت انا اتاندى
استانا. قازاقپارات - اقتوبە اكىمىنىڭ 42 جاستاعى ورىنباسارى ايگۇل ارىنعازيەۆا 1- ءساۋىر كۇنى العاش رەت انا اتاندى دەپ حابارلايدى «دياپازون» سايتى.
ايگۇل ۇلىن وبلىستىق اۋرۋحانانىڭ بوسنۋ بولىمىندە دۇنيەگە اكەلدى.
«ۇل بالانىڭ سالماعى 4 كەلى 500 گرام»، - دەپ جازعان ايگۇل ارىنعازيەۆانىڭ اپكەسى دينا نيازوۆا ءوزىنىڭ Facebook جەلىسىندەگى پاراقشاسىندا.
«عاجايىپتارعا سەنەسىز بە؟ مەن ەندى بارلىعى ءوز رەتىمەن بولاتىنىن، ءومىر ءبارىن ءوزى-اق رەتتەيتىنىن ناقتى بىلەمىن. ءبىزدىڭ ۇلكەن ءارى مامىراجاي وتباسىمىز ءبىر ادامعا تولىقتى. باقىتتان ۇشىپ كەتەردەي بولىپ وتىرمىن»، - دەيدى نيازوۆا.
5- ءساۋىر كۇنى ايگۇل ارىنعازيەۆا نارەستەسىمەن ەمحانادان شىقتى. بالانىڭ ەسىمىن ديدار دەپ قويعان.
