اقمول كەنتىندە 42 اسكەري قىزمەتشى وتباسىلارىمەن جاڭا پاتەرگە قونىس تەبەدى
قازىر جوندەۋ جۇمىستارى اياقتالىپ قالدى. جوسپار بويىنشا وسى ايدا اسكەري قىزمەتشىلەر مەن ولاردىڭ وتباسىلارى جاڭارتىلعان پاتەرلەرىنە ورنالاسادى.
بۇدان ءسال بۇرىن گۆاردەيسكي كەنتىندە 52 پاتەرلىك تۇرعىن ءۇي كۇردەلى جوندەۋدەن كەيىن تاپسىرىلعان بولاتىن. جوندەۋ جۇمىستارىن جۇرگىزۋ كەزىندە تۇرعىندار كوشىرىلگەن ەدى. كۇردەلى جوندەۋدەن كەيىن ولاردى قۋانتارلىق توسىن سىي كۇتىپ تۇردى: ءۇيدىڭ بارلىق تەرەزەلەرى مەن ەسىكتەرى اۋىستىرىلدى، شاتىرى، ينجەنەرلىك جەلىلەرى جاڭارتىلدى. ءۇيدىڭ قاسبەتى جوندەلدى.
سونىمەن قاتار، قازىرگى ۋاقىتتا اياگوز قالاسىندا جالپى الاڭى 5790 شارشى مەترلىك 90 پاتەرلىك تۇرعىن ۇيگە جوندەۋ جۇمىستارى جۇرگىزىلۋدە. جۇمىستى تولىققاندى اياقتاۋ 2016 -جىلعا جوسپارلاندى.
كۇردەلى جوندەۋ قازاقستاندىق اسكەري قىزمەتشىلەردىڭ تۇرمىس جاعدايىن جاقسارتۋ ءۇشىن دايىن تۇرعىن ۇيلەردى ساتىپ الۋ مەن ولاردى سالۋمەن قاتار، مينيسترلىكتىڭ تۇرعىن ۇيمەن قامتاماسىز ەتۋ جۇيەسىنىڭ ءبىر بولىگى.
وتكەن جىلعى مالىمەتتەر بويىنشا، اياگوز جانە اقتاس قالالارىندا 80 پاتەرلىك تۇرعىن ۇيلەر، سونداي- اق گۆاردەيسكي كەنتىندەگى 98 پاتەرلىك جانە پريوزەرسك قالاسىندا 36 پاتەرلىك جاتاقحانالار كۇردەلى جوندەۋدەن وتكىزىلگەن بولاتىن.
