42500 تەڭگەلىك تولەم تارتىبىنە وزگەرىستەر ەنگىزىلدى

نۇر-سۇلتان. قازاقپارات - ەلىمىزدە 42500 تەڭگەلىك تولەمدى بەرۋ تارتىبىنە وزگەرىس ەنگىزىلدى.

ءتيىستى بۇيرىق ەڭبەك جانە حالىقتى الەۋمەتتىك قورعاۋ مينيسترلىگىنىڭ سايتىندا جاريالاندى، دەپ حابارلايدى قازاقپارات ءتىلشىسى.

بۇيرىققا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ قول قويعان. وعان سايكەس 42500 تەڭگەلىك تولەم اكسيالارى جانە جارعىلىق كاپيتالىنداعى ۇلەستەرى تىكەلەي نەمەسە جاناما تۇردە مەملەكەتكە تيەسىلى زاڭدى تۇلعالاردىڭ، ەكىنشى دەڭگەيدەگى بانكتەردىڭ، بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ قىزمەتكەرلەرىنە بەرىلمەيدى. تولىعىراق ايتقاندا 42500 تەڭگەلىك الەۋمەتتىك تولەم تومەندەگى ساناتتاعى ازاماتتارعا بەرىلمەيدى: 1. ب ج ت تولەۋشىلەردى قوسپاعاندا، توتەنشە جاعداي ەنگىزىلگەن كۇنگە دەيىن ون ەكى اي ىشىندە مىندەتتى الەۋمەتتىك ساقتاندىرۋ جۇيەسىنە قاتىسۋىنىڭ ءبىر دە ءبىر اي ءوتىلى جوق ادامدارعا؛

2. ءوتىنىش بەرگەن كۇنىنە دەيىن دەيىن مىندەتتى الەۋمەتتىك ساقتاندىرۋ جۇيەسىنە قاتىسۋىنىڭ ءبىر دە ءبىر اي ءوتىلى جوق بجت تولەۋشىلەرگە؛

3. توتەنشە جاعداي ەنگىزىلگەن كۇنگە دەيىن ون ەكى اي ىشىندە جيناقتاۋشى زەينەتاقى جۇيەسىنە قاتىسۋىنىڭ ءبىر دە ءبىر اي ءوتىلى جوق ا ق س شارتتار بويىنشا كىرىس الاتىن جەكە تۇلعالارعا؛

4. ەڭبەك نەمەسە كاسىپكەرلىك قىزمەتتى (ونىڭ ىشىندە قاشىقتىقتان) جالعاستىرعان نەمەسە اقىلى ەڭبەك دەمالىسى بەرىلگەن نەمەسە جۇمىس ورىندارىنىڭ بىرىندە توقتاپ تۇرۋ بولعان جاعدايدا، كاسىپكەرلىك قىزمەتتى قوسا العاندا، ەكى نەمەسە ودان دا كوپ جۇمىستى قوسا اتقاراتىن ادامدارعا؛ 5. ەگەر ءبىر مەزگىلدە رەسپۋبليكالىق بيۋدجەتتەن نەمەسە قوردان تولەنەتىن اي سايىنعى زەينەتاقى مەن الەۋمەتتىك تولەمدەردى الۋشىلار بولىپ تابىلسا، توتەنشە جاعداي ەنگىزىلگەننەن كەيىن ب ج ت- نى العاش رەت تولەگەن ادامدارعا؛

6. قازاقستان رەسپۋبليكاسىنان تىس جەرگە تۇراقتى تۇرۋعا كەتۋىنە بايلانىستى ىشكى ىستەر ورگاندارىندا تىركەۋدەن شىعارىلعان ادامدارعا؛

7. تولىق مەملەكەتتىڭ قامسىزداندىرۋىنداعى قىلمىستىق- اتقارۋ جۇيەسىنىڭ مەكەمەلەرىندەگى ادامدارعا. تولەمدەردى جۇزەگە اسىرۋ ءۇشىن بانك جانە بانك شوتىنىڭ ءنومىرى تۋرالى مالىمەتتەر اۆتوماتتاندىرىلعان رەجيمدە بۇدان بۇرىن قالىپتاستىرىلعان ءى ە م- گە ەنگىزىلەدى. ءى ە م- دى كورسەتىلگەن مالىمەتتەرمەن تولىقتىرۋ تۋرالى اقپارات اۆتوماتتى تۇردە قوردىڭ فيليالى مەن مەملەكەتتىك كورپوراتسياعا جىبەرىلەدى.