ەلىمىزدە قانشا ادام 42500 تەڭگەدەن الەۋمەتتىك تولەم الدى؟

نۇر-سۇلتان. قازاقپارات - 276 مىڭنان استام ازاماتقا 42500 تەڭگەدەن الەۋمەتتىك تولەم بەرىلدى. بۇل تۋرالى ق ر پرەزيدەنتى اكىمشىلىگىنىڭ قوعامدىق قابىلداۋىنىڭ Telegram-كانالىندا جاريالانعان اقپاراتتا ايتىلعان، دەپ حابارلايدى قازاقپارات ءتىلشىسى.

«ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەكتەرىنە سايكەس، قازىرگى ۋاقىتتا توتەنشە جاعداي سالدارىنان كىرىسىنەن ايىرىلعانداردان 42500 تەڭگە مولشەرىندە مەملەكەتتىك كومەك الۋعا 1773791 بىرەگەي ءوتىنىم قابىلداندى. جالپى، شامامەن 3 ميلليون 128 مىڭ ءوتىنىم كەلىپ ءتۇستى. سول 3 ميلليون ىشىندە قايتالاناتىن وتىنىشتەر - 1 ميلليون 355 مىڭ» دەلىنگەن تاراتىلعان اقپاراتتا.

8-ءساۋىر كۇنى كەشكىسىن 276756 قازاقستاندىققا كومەك تاعايىندالىپ، تولەنگەن.

اۆتور: مارلان جيەمباي