13:12, 28 - تامىز 2017 | GMT +6
الداعى كۇندەرى ەلىمىزدىڭ كەي وڭىرلەرىندە كۇن 41 گرادۋسقا دەيىن ىسيدى
استانا. قازاقپارات - «قازگيدرومەت» ر م ك 29 - تامىز بەن 1 - قىركۇيەك كۇندەرىنە ارنالعان اۋا رايى بولجامىن جاريالادى، دەپ حابارلايدى قازاقپارات.
رەسپۋبليكامىزدا وتكەن تاۋلىكتەردە اۋا تەمپەراتۋراسى كليماتتىق نورمادان 2,7 گرادۋس جوعارى بولدى. الداعى كۇندەرى باتىس، سولتۇستىك، ورتالىق جانە شىعىس وبلىستاردىڭ كەي اۋداندارىندا وتكىنشى جاڭبىر جاۋىپ، كۇن كۇركىرەيدى، ءبىراق ەڭ جوعارى اۋا تەمپەراتۋراسى 28-37 گرادۋس بولادى. رەسپۋبليكانىڭ وڭتۇستىك- باتىس، وڭتۇستىك جانە وڭتۇستىك- شىعىس وبلىستارىندا باتىس ازيادان وتە ىستىق اۋا كەلەدى، سوندىقتان بۇل جەرلەردە كۇن قاتتى ىسىپ، كۇندىزگى اۋا تەمپەراتۋراسى 32-41 گرادۋسقا دەيىن كوتەرىلەدى. سوندىقتان قازاقستاننىڭ بۇكىل اۋماعىندا اۋا تەمپەراتۋراسى نورمادان 2-8 گرادۋس جوعارى بولىپ ساقتالادى.