قازاقستاندا ايەلدەر باسقاراتىن شاعىن جانە ورتا بيزنەس سۋبەكتىلەر سانى 41,5 پايىزدى قۇراپ وتىر

استانا. قازاقپارات - ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتىنە قاراعاندا، بۇگىنگى تاڭدا ەلىمىزدە ايەل ازاماتشالار باسقاراتىن ءارى بەلسەندى قىزمەت ەتىپ جاتقان 640,5 مىڭ شاعىن جانە ورتا بيزنەس سۋبەكتىلەرى تىركەلگەن.

ولاردىڭ ىشىندە 542,9 مىڭى - جەكە كاسىپكەرلەر. سونىمەن قاتار، ايەلدەر باسقاراتىن شاعىن جانە ورتا بيزنەس سۋبەكتىلەر سانى 41,5 پايىزدى قۇراپ وتىر.

مالىمەتتەرگە سۇيەنسەك، ايەلدەر باسقاراتىن شاعىن جانە ورتا بيزنەس سۋبەكتىلەرى نەگىزىنەن جاپپاي جانە بولشەك ساۋدا سالاسىندا قىزمەت ەتەدى جانە ولاردىڭ ۇلەسى بۇنداي كاسىپورىنداردىڭ جالپى سانىنىڭ 51 پايىزىن قۇراپ وتىر. بۇدان كەيىنگى كەزەكتە اۋىل شارۋاشىلىعىندا (15,5 پايىز)، سونداي-اق باسقا دا قىزمەتتەر، سونىڭ ىشىندە قوناق ءۇي مەن تاماقتاندىرۋ قىزمەتى سالاسىندا (13 پايىز) ايەلدەر بيزنەسىنىڭ بەلسەندىلىگى ارتقان.

اۆتور: قانات مامەتقازى ۇلى