قازگيدرومەت: ەلىمىزدىڭ كەي وڭىرلەرىندە 40 گرادۋسقا دەيىن اياز بولادى

استانا. قازاقپارات - قازاقستان رەسپۋبليكاسى اۋماعىنىڭ باسىم بولىگىنە اركتيكالىق انتيسيكلون اسەر ەتىپ، اياز بولادى، دەپ حابارلايدى قازاقپارات «قازگيدرومەت» ر م ك-نا سىلتەمە جاساپ.

تەك رەسپۋبليكانىڭ وڭتۇستىگىندە، وڭتۇستىك- شىعىسىندا جانە شىعىسىندا اتموسفەرالىق فرونتالدى بولىكتەردىڭ وتۋىمەن قار جاۋادى، وبلىستىڭ وڭتۇستىگىندە جانە تاۋلى ايماقتاردا كەيدە قالىڭ قار جاۋىپ، جەل كۇشەيەدى، بوران، تۇمان، كوكتايعاق بولادى.

تۇندە ماڭعىستاۋ وبلىسىندا - 25 گرادۋس اياز بولادى، اتىراۋ وبلىسىندا - 30 گرادۋس، اقتوبە وبلىسىندا - 35-39 گرادۋس، قوستاناي وبلىسىنىڭ شىعىسىندا - 40 گرادۋسقا دەيىن جەتەدى.