بيۋدجەتتىڭ كىرىسى 40 پايىز ارتادى - ءاليحان سمايىلوۆ
ۇكىمەتتىڭ كەڭەتىلگەن وتىرىسىندا پرەمەر- مينيستر ءاليحان سمايىلوۆ وسىنداي مالىمەت ايتتى، دەپ حابارلايدى قازاقپارات ءتىلشىسى.
«تاۋ- كەن سەتكورىنان قوسىمشا تۇسىمدەر الۋ ءۇشىن زاڭمەن پايدالى قازبا بايلىقتاردى يگەرۋگە سالىناتىن سالىقتىڭ مولشەرلەمەسىن 30 پايىزدان 50 پايىزعا دەيىن كوبەيتۋ قاراستىرىلدى. تسيفرلىق ماينينگكە سالىق سالۋ ءۇشىن سارالانعان مولشەرلەمەلەر قاراستىرىلدى. 2023 -جىلدىڭ 1 قاڭتارىنان باستاپ ميكرو جانە شاعىن بيزنەس ءۇشىن ەڭبەكاقى قورىنىڭ ءبىرىڭعاي تولەمى ەنگىزىلەدى. بۇل ەڭبەكاقى قورىنا تۇسەتىن سالىق جۇكتەمەسىن %35 دان %20 عا دەيىن ازايتادى»، - دەدى ءاليحان سمايىلوۆ.
ۇكىمەت باسشىسىنىڭ ايتۋىنا قاراعاندا، قازىر ارنايى سالىق رەجيمدەرىن قولدانۋ بويىنشا سالىقتىق اكىمشىلەندىرۋدىڭ سەرۆيستىك مودەلىنە كوشۋ جۇمىستارى جۇرگىزىلىپ جاتىر.
«جاڭا بيۋدجەتتىك ساياسات بويىنشا 3 جىلدىق بيۋدجەت پەن ۇلتتىق قوردىڭ ولشەمدەرى قارىمتا تسيكلدىق ەرەجەلەردى ەسكەرە وتىرىپ بەلگىلەنەدى. مۇنداي ەرەجەلەردىڭ ەنگىزىلۋى ۇلتتىق قوردىڭ جيناقتاۋشى فۋنكتسياسىن ارتتىرادى. بيۋدجەتتىڭ تەڭگەرىمدىلىگى ونىڭ كىرىس بازاسىن نىعايتۋ جانە بيۋدجەت شىعىسىنىڭ قارقىنىن شەكتەۋ ارقىلى قامتاماسىز ەتىلەدى. رەسپۋبليكالىق بيۋدجەتتىڭ ءوز تابىسى بيىل %40 وسەدى»، - دەدى ۇكىمەت باسشىسى.
ايتا كەتەيىك، پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.
