بيىلعى ۇ ب ت- دا ەرەكشە قاجەتتىلىگى بار تەست تاپسىرۋشىلارعا 40 مينۋت قوسىلادى
ياعني، وقۋعا ءتۇسۋشىنىڭ تەست تاپسىرۋ ورنىندا نەگىزگى كامەرادان باسقا، جەكە تۇلعانى سايكەستەندىرۋگە جانە بوگدە ادامداردىڭ كىرۋىنە جول بەرمەۋگە مۇمكىندىك بەرەتىن، ونىڭ دىبىسىن جازۋ جانە قوزعالىسىن تىركەۋ ءۇشىن الدىڭعى ۆ ە ب- كامەرا ورناتىلعان.
بۇل تۋرالى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ الەۋمەتتىك جەلىدەگى پاراقشاسىنا جازدى.
«ۇ ب ت- نىڭ بازاسىنا «قازاقستان تاريحى» ءپانى بويىنشا كونتەكستىك تەست تاپسىرمالارى قوسىلدى. بۇل تاپسىرمالار تەرەڭ ءبىلىمدى، اقپاراتتى تالداۋ سياقتى كەڭ اۋقىمدى داعدىلار مەن قابىلەتتەردى باعالايدى. ۇ ب ت تاپسىرعان تەستىلەنۋشىلەرگە ءاربىر ءپان بويىنشا جەكە تاقىرىپتىق تالداۋ ۇسىنىلادى. بۇل تالداۋ ۇ ب ت- عا تۇسۋشىلەردىڭ دايىندىعىن ارتتىرۋعا جانە وزدەرىنىڭ ءبىلىم دەڭگەيىن باعالاۋعا كومەكتەسەدى. ەرەكشە ءبىلىم بەرۋ قاجەتتىلىكتەرى بار بالالار ءۇشىن دە جاعدايلار جاسالدى. ۇ ب ت-2022 دە كورۋ، ەستۋ، تىرەك-قيمىل اپپاراتىنىڭ فۋنكتسيالارى بۇزىلعان ەرەكشە قاجەتتىلىكتەرى بار بالالارعا قوسىمشا تەستىلەۋ ۋاقىتى (40 مينۋت) بەرىلدى. سونىمەن قاتار، ولار ءۇشىن سۋرەتسىز، سىزبالارسىز جانە دياگراممالارسىز تەست نۇسقالارى جاسالدى»، - دەگەن جازباسىندا ورتالىق باسشىسى.
ونىڭ سوزىنشە، 2022-جىلعى تۇلەكتەردى قولداۋ ماقساتىندا ءارى ۇ ب ت- عا دايىندىقتارىن وڭتايلى ۇيىمداستىرۋ ءۇشىن بىلتىرعىدان دا كوپ ءبىلىم بەرۋ ورتالىقتارىنىڭ قاتىسۋىمەن تەگىن ونلاين ساباقتار وتكىزىلۋدە.
«2022-2023 وقۋ جىلىنان باستاپ IT باعىت بويىنشا وقۋعا تۇسۋشىلەر ۇ ب ت- دا «ماتەماتيكا+فيزيكا» ورنىنا «ماتەماتيكا+ينفورماتيكا» كومبيناتسياسىن تاپسىرادى.
2021-2022 وقۋ جىلىندا بەيىندىك ءپان «فيزيكا» بولىپ قالا بەرەدى، بۇل رەتتە پيلوت رەتىندە تالاپكەرلەردىڭ تاڭداۋى بويىنشا بيىل وسى دايىندىق باعىتتارىنا (ناۋرىزداعى ۇ ب ت كەزىندە) ءتۇسۋ ءۇشىن «ماتەماتيكا +ينفورماتيكا» كومبيناتسياسىن تاڭداۋ وپتسياسى قوسىمشا قولجەتىمدى بولدى.
بۇل كومبيناتسيانى ناۋرىز ايىنداعى تەستىلەۋ بارىسىندا 800 گە جۋىق ادام تاڭداعان. العاش رەت ەلىمىزدىڭ پەداگوگتەرى ءۇشىن ۇلتتىق بىلىكتىلىك تەستىلەۋىنە دايىندالۋعا ارنالعان كەڭەس بەرۋلەر ۇسىنىلدى. ولار ورتالىقتىڭ YouTube ارناسىندا ساقتالعان»، - دەدى ەمەلبايەۆ.
جازبادا وقۋشىلاردىڭ پىكىرىن ەسكەرە وتىرىپ، بيىل تۇلەكتەرگە ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن وتكىزىلەتىن ماۋسىم ايىنداعى ۇ ب ت- عا 2 رەت قاتىسۋ مۇمكىندىگى بەرىلگەنى ءسوز بولعان. نەگىزگى ۇ ب ت- نىڭ الدىندا پسيحولوگيالىق قولداۋ ماقساتىندا تالاپكەرلەرگە ۇ ت و- نىڭ الەۋمەتتىك جەلىلەردەگى پاراقشالارىندا پسيحولوگتىڭ ونلاين كەڭەستەرى جاريالانادى.
«قازتەست جۇيەسى بويىنشا تەستىلەۋدى ەلەكتروندى فورماتتا وتكىزۋ جوسپارلانۋدا. سىرتقى ەمتيحانداردىڭ بارلىق تۇرلەرىن ۇيىمداستىرۋ جانە وتكىزۋ جۇيەسىن جەتىلدىرۋ بويىنشا جۇمىس جالعاستىرىلاتىن بولادى. ءبىزدىڭ باستى ماقساتىمىز - تەستىلەۋ پروتسەدۋراسىنىڭ اشىقتىعىن، اكادەميالىق ادالدىقتى قامتاماسىز ەتۋ»، - دەپ جازدى ورتالىق باسشىسى.
