ەلوردادا پنيەۆمونيامەن اۋىراتىندار 40 پايىزعا ازايدى

نۇر- سۇلتان. قازاقپارات - ەلوردادا 5 شىلدەدەن باستاپ ەنگىزىلگەن كارانتين شارالارى مەن امبۋلاتوريالىق ەمدەۋدى كۇشەيتۋ ناتيجەسىندە پنيەۆمونيامەن اۋرۋحاناعا تۇسكەندەر سانى %40,5 - 1348-دەن 793كە دەيىن ازايدى، دەپ حابارلايدى قازاقپارات قالا اكىمدىگىنە سىلتەمە جاساپ.

قالادا كوروناۆيرۋس ستاتسيونارلارىنا تۇسكەن ناۋقاس سانى %50,3 عا ازايدى.

«كارانتين شارالارى، ەمحانالاردا امبۋلاتوريالىق ەمدەۋدى كۇشەيتۋ جانە قالا تۇرعىندارىنىڭ سانيتاريا نورمالارىن قاتاڭ ساقتاۋى دەنساۋلىق ساقتاۋ جۇيەسىنە، دارىگەرلەرگە جۇكتەمەنى ايتارلىقتاي تومەندەتتى. جەدەل جاردەم ستانساسىنا قوڭىراۋ سانى ەكى ەسەگە جۋىق استام ازايدى - تاۋلىگىنە 2400 دەن 1129 عا دەيىن (%52,3) ءتۇستى. سونىڭ ىشىندە ك ۆ ي بويىنشا - كۇنىنە 350 دەن 112 گە دەيىن. كارانتينگە دەيىن، كوروناۆيرۋستىڭ اۋىر دارەجەسىمەن ناۋقاستار مەديتسينا مەكەمەلەرىنە بىرىنەن سوڭ ءبىرى ءتۇسىپ جاتاتىن. بۇل - دارىگەرلەرگە مورالدىق تۇرعىدان وتە اۋىر ءتيدى، ولار شارشادى. دەنساۋلىق ساقتاۋ ماماندارى ءار ناۋقاس ءۇشىن سوڭىنا دەيىن كۇرەستى. قازىر اۋىر ناۋقاستار سانى ازايدى. ەكى كۇن بۇرىن دارىگەرلەرىمىز وكپەسى %100، %90 قابىنعان ناۋقاستاردى ەمدەپ شىعاردى. ازاماتتاردان كارانتين الىنىپ تاستالعاننان كەيىن دە ينفەكتسيانىڭ الدىن الۋ ءۇشىن سانيتاريا نورمالارىن قاتاڭ ساقتاۋدى سۇرايمىز»، - دەدى قالالىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ءاليا رۇستەموۆا.

وسىلايشا، ك ۆ ي- دەن ەمدەلىپ شىققاندار سانى 67 پايىزعا جەتتى. 9494 ناۋقاستىڭ 6607 ى ساۋىعىپ شىقتى. توسەك- ورىن جۇكتەمەسى %90 دان %47 عا ازايدى.