استانادا «باقىت حاتىنا» 40 ميلليون تەڭگە بولىنەدى

 استانا. قازاقپارات - استانانىڭ قوعامدىق كەڭەسى قالالىق بيۋدجەتكە وزگەرىستەر ەنگىزۋدى ماقۇلدادى.

كولىك يەلەرىنىڭ جول ەرەجەسىن جاپپاي بۇزۋى سالدارىنان «سەرگەك» كامەرالارى تۇسىرگەن اكىمشىلىك ايىپپۇل تۋرالى حاتتاردى تاراتۋعا پوليتسيا دەپارتامەنتىنە 40 ميلليون تەڭگە قاراستىرىلدى»، - دەيدى ەكونوميكا جانە بيۋدجەتتى جوسپارلاۋ باسقارماسىنىڭ باسشىسى راسۋل ورازعۇلوۆ.

وسىعان دەيىن «سەرگەك» فوتو- ۆيدەوتىركەۋ جانە ۆيدەوباقىلاۋ جۇيەلەرى كومەگىمەن مەملەكەتتىك بيۋدجەتكە جالپى سوماسى 1 ميلليارد 270 ميلليون تەڭگە قارجى تۇسكەنى حابارلاندى. بۇل جوبا جول- كولىك وقيعالارىنىڭ سانى 16 پايىزعا، جول اپاتىنان جارالانۋ 22 پايىزعا، جول- كولىك وقيعاسى سالدارىنان بولاتىن ءولىمدى 54 پايىزعا تومەندەتۋگە مۇمكىندىك بەردى. 2017 -جىلى تامىزدا مەملەكەتتىك- جەكەلەي سەرىكتەستىكتىڭ ەلوردادا جوبانى ىسكە اسىرۋ تۋرالى كەلىسىمشارتقا قول قويىلعان. «سەرگەك» وتاندىق قۇرىلعى، ول نەيروندى جەلى تەحنولوگياسى ارقىلى جۇمىس ىستەيدى. ايتا كەتەيىك، الماتىدا دا «سەرگەك» كامەرالارى ىسكە قوسىلدى. سونداي- اق، وسى جۇيە شىمكەنتتە دە پايدا بولادى.

Kaz.tengrinews.kz