قازاقستاندا سوڭعى بەس جىلدا جەتىمدەر سانى 40 پايىز ازايدى

استانا. قازاقپارات - قازاقستان رەسرۋبليكاسى ءبىلىم جانە عىلىم مينيسترلىگىنىڭ بالالاردىڭ قۇقىقتارىن قورعاۋ كوميتەتىنىڭ ءتوراعاسى نۇربەك ورشۋبەكوۆ قۇرىلىمدىق بولىمشەنىڭ جۇمىس قورىتىندىلارى تۋرالى ايتتى، دەپ حابارلايدى Baq.kz اقپارات اگەنتتىگى yk.kz سايتىنا سىلتەمە جاساپ.

«2017 - جىلدان باستاپ بالالاردى تاربيەلەۋشى ۇيگە جانە قوناق ءۇي وتباسىلارىنا بەرۋ تۋرالى ماسەلە زاڭنامالىق دەڭگەيدە رەتتەلدى. وتباسى قۇرىلىمىنىڭ وسىنداي فورمالارىنا مەملەكەت ماتەريالدىق تۇرعىدا كەپىلدىك بەرەدى. سوڭعى جىلدارى بالالار ۇيىندە تاربيەلەنۋشىلەر سانى مەن جەتىمدەر ءۇيى ازايىپ كەلەدى. سوڭعى بەس جىلدا جەتىم بالالارعا ارنالعان ۇيىمدارداعى بالالار سانى 40 پايىزعا، ياعني 10 مىڭنان 6 مىڭعا ازايعان. سونداي-اق، 4,5 مىڭ بالا ءوز اتا- اناسىنا قايتارىلدى»، - دەيدى نۇربەك ورشۋبەكوۆ.

ونىڭ ايتۋىنشا، قازاقستاندا جەتىم بالالارعا، اتا-اناسىنىڭ قامقورلىعىنسىز قالعان بالالارعا ارنالعان 50 مەكەمە جابىلعان.