اتامبايەۆ قىرعىزستانداعى مۇزدىقتاردىڭ 40 پايىزعا دەيىن ازاياتىندىعىنا الاڭداۋلى

ال، بۇل ورتالىق ازياداعى وزەندەردەگى سۋدىڭ 25-35 پايىز قىسقارۋىنا اكەلىپ سوعادى. بۇل تۋرالى قىرعىز پرەزيدەنتى نيۋ- يوركتەگى 72- باس اسسامبلەيادا مالىمدەدى، دەپ حابارلايدى كابار.
ونىڭ ايتۋىنشا، كليمات وزگەرۋىنىڭ زارداپتارى قاۋىپتى دەڭگەيگە دەيىن وسكەن. سوندىقتان، تاۋلى ەلدەر تاۋ ەكوجۇيەسىنىڭ كۇردەلى بولۋىنا بايلانىستى بۇل تىزىمگە ءبىرىنشى ەنگەن.
«كليمات وزگەرۋ ماسەلەسى قىرعىزستان ەكونوميكاسىنىڭ بارلىق سەكتورىنا كەرى اسەر ەتۋدە. سونىڭ سالدارىنان تاۋلى اۋدانداردا ءتۇرلى تابيعي اپاتتار - سەلدەر، سىرعىما، سۋ تاسقىنى جانە كوشكىن ورىن الۋدا. قىرعىزستان تابيعي قويمالار بولىپ تابىلاتىن مۇزدىقتاردىڭ قارقىندى ەرۋىنە قاتتى الاڭداۋشىلىق تانىتۋدا، سەبەبى ولار تەك ورتالىق ازيادا عانا ەمەس، سونداي- اق بۇكىل الەمدەگى تۇشى سۋدى قالىپتاستىراتىن ايماق سانالادى»، - دەدى اتامبايەۆ.
سونداي- اق، ول 2100 -جىلى رەسپۋبليكاداعى مۇزدىقتاردىڭ جەر بەتىنەن جويىلىپ كەتۋ ءقاۋپى بارىن اتاپ ءوتتى.