قازاقستاندا 40 مىڭعا جۋىق نۇرسۇلتان بار

استانا. قازاقپارات - سۋ جاڭا رەكورد. ول رەكوردتى وڭتۇستىك قازاقستان وبلىسى ورناتتى. اڭگىمە "نۇرسۇلتان" دەگەن ەسىم جايلى بولماق.
None
None

ءسويتىپ، وڭتۇستىك جۇرتى جاڭا تۋعان سابيگە نۇرسۇلتان دەگەن ەسىمدى بەرۋدە ەشكىمگە دەس بەرمەدى.

"وtyrar.kz" اقپاراتىنا سۇيەنسەك، قازىردىڭ وزىندە و ق و- دا 10265 نۇرسۇلتان تۇرادى ەكەن. ولار 1991-2016 -جىلدار ىشىندە وڭتۇستىكتە تۋعان نەمەسە قونىس اۋدارعاندار ەكەن. ءيا، جانسەيت تۇيمەبايەۆ تىزگىنىن ۇستاعان وڭىردە ەڭ جوعارعى رەيتينگ. ەڭ كوپ نۇرسۇلتان تۇرادى.

ال اۋدسايدەر - سولتۇستىك قازاقستان وبلىسى ەكەن. تاۋەلسىزدىك العالى بەرى تۋعاندار مەن كوشىپ كەلگەندەردى ەسەپتەگەندە بۇل جاقتا بار بولعانى 483 نۇرەكەڭ تىركەلگەن ەكەن. سولتۇستىكتە "نۇرسۇلتانعا" سۇرانىس ازداۋ.

اماندىق باتالوۆ باسقارىپ وتىرعان الماتى وبلىسىندا - 4585 نۇرسۇلتان تىركەلسە، جامبىل وبلىسىندا - 3940، قىزىلوردادا - 3081 نۇرسۇلتان تۇرىپ جاتىر. ءيا، الماتى وبلىسى بۇل جارىستىڭ ەكىنشى ساتىسىندا.

قاراعاندى مەن اقتوبەدە دە 2 مىڭعا جۋىق نۇرسۇلتان بار.

استانادا دا نۇرسۇلتاندار بار. پرەزيدەنت نۇرسۇلتان نازاربايەۆتى قوسا ەسەپتەگەندە بارلىعى - 2528 نۇرەكەڭ تىركەۋدە تۇر. ءيا، حالقىنىڭ سانى ميلليونعا جەتە قابىل استانادا 2 جارىم مىڭنان استام نۇرەكەڭ نان تاۋىپ، تىرشىلىك كەشىپ ءجۇر.

سولاي، مىنە. قازاقستانداعى ەڭ تانىمال ەسىم دە - نۇرسۇلتان. سۇرانىسى جوعارى ەسىم دە - نۇرسۇلتان.

ءيا، راس بالاعا ات قويۋ پروتسەسسىنە ءارتۇرلى جايتتار سەبەپشى بولۋى مۇمكىن. دەگەنمەن، قازاقستاندا نۇرسۇلتانداردان باسقا ەلباسى، ازيادا، اقوردا، استانا، بايتەرەك، سامميتا، قازاقستان، اتازاڭ دەگەن اتتى بالالار ءوسىپ-جەتىلىپ كەلەدى.

قورىتىندى شىعارۋ قيىن ارينە. بۇل پاتريوتيزم بە، الدە جاعىمپازدىقتىڭ كۋلميناتسيالىق كورىنىسى مە؟ ايتەۋىر بىزگە ءمالىم - قازىر ەلىمىزدە 40 مىڭعا جۋىق نۇرسۇلتان بار.

 

Abai.kz

سوڭعى جاڭالىقتار