الداعى ءتورت جىلدا استانادا 40 مىڭ پاتەر سالىنباق
«ايتا كەتكىم كەلەدى، 2007-جىلى تۇرعىن ءۇي كەزەگىندە 7 مىڭ ادام تۇردى، قازىر كەزەكتە 44 مىڭ ادام تۇر. تەك بىلتىردىڭ وزىندە 6 مىڭ ادام كەزەككە ەندى. باسپانامەن بارلىعىن قامتۋ وتە قيىن. سوندىقتان مەملەكەت باسشىسىنىڭ تاپسىرماسىمەن ۇكىمەت تۇرعىندارعا تۇرعىن ءۇي جاعدايىن جاقسارتۋعا باعىتتالعان «نۇرلى جەر» تۇرعىن ءۇي باعدارلاماسىن قابىلدادى. ءبىز قالا اۋماعىندا باعدارلاما بويىنشا جۇمىس جاساپ جاتىرمىز»، - دەدى اكىم.
ونىڭ ايتۋىنشا، الداعى ءتورت جىلدا استانادا 40 مىڭ پاتەر سالىنباق.
«2017-2021-جىلدار ارالىعىندا 40 مىڭ پاتەر پايدالانۋعا بەرىلەدى. ولاردىڭ ىشىندە بيۋدجەت ەسەبىنەن قۇرىلىس باسقارماسى جەلىسى ارقىلى 8 مىڭ پاتەر، ارەندالىق - 2300، نەسيەلىك - 6 مىڭ جانە قالعان 7-8 مىڭ پاتەر كەلەسى جىلدان باستاپ جىل سايىن پايدالانۋعا بەرىلە باستايدى. جەڭىلدىكتى يپوتەكالىق نەسيەلەندىرۋ ەسەبى بويىنشا، تۇرعىن ءۇي جيناق بانكى جەلىسى ارقىلى پاتەردىڭ شارشى مەترىنىڭ قۇنى 230-300 مىڭ تەڭگە ارالىعىندا بولادى. ەڭ الدىمەن كەزەكتە تۇرعان ازاماتتار باسپانامەن قامتىلادى»، - دەدى ول.
اۆتور: جاسۇلان جولدىبايەۆ
