ساحنادا 40 جىل: روزا رىمبايەۆانىڭ سىرت كەلبەتى قالاي وزگەردى - فوتو
ول وسى شىعارماشىلىق جىلدارى بارىسىندا سىرت كەلبەتىنە كوزگە تۇسەرلىك وزگەرىستەر ەنگىزگەن ەمەس: قىسقا شاش، راۋشان گۇلمەن اشەكەيلەنگەن كويلەك جانە رياسىز كۇلكى. دەسە دە، ءانشىنىڭ ارا- تۇرا ەنگىزگەن وزگەرىستەرى دە جوق ەمەس. Stan.kz سول وزگەرىستەردى ەسكە الۋدى ءجون كوردى.
كەڭەس وكىمەتى زامانىندا روزا رىمبايەۆا قويۋ قارا شاشتى، ارىق بويجەتكەن بولاتىن. كوپشىلىك نازىك ارۋدىڭ تاڭداي قاقتىرار داۋسىن ەستىپ تاڭقالعان-دى. اسىرەسە، شەتەل مەملەكەتتەرى.
ءانشى حالىق الدىنا العاش ەرلەر ستيلىندەگى شاش ۇلگىسىمەن شىقتى.
ءانشى ءبىراز ۋاقىت «اراي» انسامبلىندە ونەر كورسەتەدى. ەستەرىڭىزدە بولسا، ءانشىنىڭ مارقۇم جۇبايى تاسقىن وقاپوۆ اتالعان انسامبلدىڭ كوركەمدىك جەتەكشىسى بولاتىن. ءدال وسى ۋاقىتتا روزا رىمبايەۆا كوتەرىلىپ، يىققا دەيىن ءتۇسىپ تۇراتىن شاش ۇلگىسىن تاڭدادى.
ارتىنشا ءانشى بۇل شاشىن قىسقارتىپ، 80-جىلدارى ساندە بولعان ەرلەردىكىندەي شاش ۇلگىسىن تاڭدادى. مۇنىمەن قاتار، ماكياجىندا دا ايتارلىقتاي وزگەرىس پايدا بولدى. كوزىن كوك، جاسىل ءتۇستى تەندەرمەن بوياي باستادى.
روزا رىمبايەۆا ۇنەمى سانگە لايىق كيىنۋگە تىرىساتىن. مىسالى، 80-جىلدارى ديسكو ستيلى ترەندتە بولدى. بۇل جولى ول حيميالىق بۇيرالاۋدى تاڭدادى.
روزا رىمبايەۆانىڭ شاشى ۇزىن بولعان كەزى سيرەك. دەسە دە، ول بەينەباياندارىنىڭ بىرىندە بەلىنە دەيىن جەتكەن شاشپەن جۇرگەن. ءتۇسىرىلىم جۇمىستارى اياقتالعان سوڭ، ول قايتادان حالىق الدىنا قىسقا شاشپەن شىقتى.
سول كەزدەرى جىلتىر ماتالى كيىمدەر ساندە بولدى. روزا رىمبايەۆا ادەتتەگىدەي سانگە لايىق كيىنۋدى ءجون كوردى. بۇل ۋاقىتتا ول راۋشان گۇلىن فيشكا رەتىندە پايدالانبايتىن. ونى تەك تانىمال سانگەر بەرىك ىسمايىلوۆپەن بىرىگىپ جۇمىس ىستەگەن كەزدە كيىمدەرىنە ەنگىزە باستادى.
ءانشى ءاربىر كونتسەرتىندە جاڭا كيىم كيىپ شىعاتىن. ءبىر كويلەگىن ساحناعا قايتالاپ كيىپ شىقپايتىنىن ونىڭ ءوزى دە مويىندايدى.
قازىرگى تاڭدا ءانشىنىڭ تاڭداۋى قىزىل ءتۇستى كويلەكتەرگە ءتۇسىپ ءجۇر. روزا قۋانىش قىزى قاراپايىم تۇرمىستا ماكياجسىز جۇرەتىنىن ايتادى.
ارادا قانشا جىل وتسە دە، ءانشىنىڭ شاش ءتۇسى اسا وزگەرگەن ەمەس: قارا، قويۋ قارا، قوڭىر، قارا قوڭىر. دەسە دە، ءبىر كەزدەرى بىرنەشە ءتۇستى ۇيلەستىرگەن كەزى دە بولعان.
ءانشىنىڭ كوزگە تۇسەتىن ءىرى اشەكەيلەر تاعىپ جۇرگەنىن سيرەك بايقاۋعا بولادى. بۇل سانگەرلەردىڭ كەڭەسى بولسا كەرەك. ادەتتە ول گۇلدى سۋرەتتەرى مەن جىلتىرى كوپ كويلەكتەر تىكتىرۋگە تىرىسادى.
روزا رىمبايەۆانىڭ ساحناعا شالبارمەن، تىم قىسقا كويلەكپەن شىققان كەزى سيرەك. بىرنەشە جىل بۇرىن ول تىڭدارماندارىن زاماناۋي فوتوسەسسياسىمەن تاڭقالدىرعان. بۇل ءانشىنىڭ بىرنەشە وبرازعا وڭاي ەنە الاتىنىن بايقاتتى.
قازىر ءانشى ەرلەردىكىنەن ءسال ۇزىنىراق شاش ۇلگىسىن تاڭدايدى. ال ماكياجى ءار كونسەرتتە ءارتۇرلى. كەز كەلگەن ايەلدىڭ 59 جاسىندا ءدال وسىلاي ءمىنسىز كورىنگىسى كەلەتىنىن انىق.
