بايان سۇلۋ فابريكاسى ەكسپورتقا شىعارىلاتىن ءونىم كولەمىن 40 پايىزعا ارتتىرماق

استانا. قازاقپارات - بۇگىن جالپى ۇلتتىق تەلەكوپىر بارىسىندا «بايان سۇلۋ» فابريكاسىنىڭ پەچەنە شىعاراتىن ءوندىرىسى ىسكە قوسىلدى، دەپ حابارلايدى قازاقپارات.

 «اسا قۇرمەتتى نۇرسۇلتان ءابىش ۇلى! وسى جىلدىڭ قىركۇيەگىندە ءسىز ءبىزدىڭ كاسىپورىنعا كەلگەنىڭىزدە بۇگىندە تۇراقتى جۇمىس ىستەپ تۇرعان ۆافلي شىعاراتىن ءوندىرىستىڭ ءبىرىنشى جەلىسىنىڭ ىسكە قوسىلعاندىعىن بايان ەتكەن ەدىم. ەندى، مىنە، بۇگىن پەچەنە شىعاراتىن ەكىنشى جەلىنى ىسكە قوسپاقپىز. ونىمدىلىگى وتە جوعارى زاماناۋي قۇرال- جابدىق جىلىنا 5 مىڭ توننادان استام ءونىم شىعارۋعا مۇمكىندىك بەرەدى»، - دەدى «بايان سۇلۋ» ا ق پرەزيدەنتى - باسقارما ءتوراعاسى تيمۋر سادىقوۆ.

ونىڭ اتاپ وتۋىنشە، فابريكا ءونىمى بۇگىندە رەسەي، گەرمانيا، قىتاي، موڭعوليا، وزبەكستان، ازەربايجان ەلدەرىنە جەتكىزىلۋدە. «جاڭا جەلى ىسكە قوسىلعاننان كەيىن ەكسپورتتىق ساتۋ 40 پايىزعا ارتاتىن بولادى»، - دەدى ول.

اۆتور: مارلان جيەمباي