ءمايىت جاتقان بولمەدە 40 كۇن شىراق جاعۋ يسلامدا بار ما؟
بۇل جەتى كۇن جالعاساتىن. مۇنى «شىراق جاعۋ» دەيدى. ودان بولەك «شام جاعۋ» ءۇردىسى بار كورىنەدى. بۇل - ءمايىت جاتقان ۇيگە قىرىق كۇنگە شەيىن شام جاعىپ قويۋ ادەتى، دەپ جازادى slam.kzi.
اتالمىش ءۇردىستىڭ ەكەۋى دە ەسكىرگەن ادەت- عۇرىپتاردان بولىپ تابىلادى. مۇنداي ىرىمنىڭ تاريحىن يسلام ءدىنى تارالماي تۇرعان شاققا جاتقىزۋعا بولادى. بۇگىندە ءىشىنارا كەزدەسىپ جاتاتىنى بولماسا، جالپى حالىق اراسىندا ۇمىت قالعان راسىمدەردىڭ ءبىرى.
ولگەن كىسىگە ارناپ شىراق جاعۋ - حريستيان ءدىنى مەن ياحۋدي (يۋدايزم) دىنىندە كەڭ ەتەك العان ءۇردىس. مىسالى، ياحۋدي (يۋدايزم) دىنىندە ادام قايتىس بولعان كۇننەن كەيىن تۋىستارى قايعىرىپ جەتى كۇن بويى «شيۆ- ا (שבעה)» كۇنىن كۇتەدى. وسى جەتى كۇن بويىنا ءمايىت جاتقان بولمەدە، نە بولماسا، سول ءۇيدىڭ ءبىر جەرىندە شىراق جاعىپ قويادى ەكەن. مۇنداعى ماقسات، ولگەن ادامنىڭ رۋحى دەنەنى تاستاپ كەتكەننەن كەيىن قايتادان شاڭىراققا ورالعاندا، جارقىراپ جانىپ تۇرعان شىراق ونى شاتتاندىرسىن دەگەن وي.
حريستيان دىنىندە دە شىراق جاعۋ ەرەكشە قاسيەتكە يە ارەكەت. ولاردىڭ تۇسىنىگى بويىنشا، شىراق جاعۋ - ءمىناجاتتىڭ نىشانى جانە قۇدايعا دەگەن ۇمتىلىستىڭ، ىقىلاستىڭ كورىنىسى بولىپ تابىلادى. ونى ءارتۇرلى جاعدايلارعا ارناپ جاعۋعا بولادى. سونىڭ ىشىندە ولگەن كىسىنىڭ رۋحىنا دا ارناپ شىراق جاعىلادى ەكەن.
ال، ەندى، شاريعي تۇرعىدان قاراعاندا، اتالمىش ادەت- عۇرىپتار مۇسىلمانشىلىققا جات. سوندىقتان دا، ارناي ولىمىنە وراي ىرىمداپ ءمايىت جاتقان بولمەگە نەمەسە ۇيىنە شىراق جاعىپ قويۋ - حارام بولىپ تابىلادى. يسلامدا و دۇنيەلىك جاعدايلارعا قاتىستى مالىمەتتەر تەك قۇران مەن ساحيح حاديستەردەن الىنادى. ودان وزگە الدەكىمنىڭ وي- قيالىنان تۋىنداعان دۇنيەلەر ياكي بوتەن ءدىني تۇسىنىكتەن باستاۋ الاتىن نانىم- سەنىمدەر قابىل ەتىلمەيدى. ەڭ دۇرىسى - اللاعا ءمالىم!
