زاڭسىز ميتينگكە شاقىرعان 40 قا جۋىق بەلسەندى اكىمشىلىك جاۋاپكەرشىلىككە تارتىلدى - ا. كراۆچەنكو
بۇل تۋرالى بۇگىن جەر رەفورماسى بويىنشا كوميسسيانىڭ ەكىنشى وتىرىسىندا ق ر باس پروكۋرورىنىڭ ورىنباسارى اندرەي كراۆچەنكو ءمالىم ەتتى.
«بۇگىنگى كۇنى 40 قا جۋىق تۇلعا اكىمشىلىك جاۋاپكەرشىلىككە تارتىلدى. مەن ءدال وسىنشا ادامنىڭ ۇستالعانىن باسا ايتقىم كەلەدى. جەلىدە 400-500 ادام ۇستالعاندىعى جايلى اقپارات شىندىققا جاناسپايدى. بىزدەگى سەنىمدى اقپاراتتار بۇل ادامداردىڭ 21 -مامىرعا، ياعني بۇگىنگى بەلگىلەنگەن زاڭسىز اكسيانى باستاۋشى ءارى ۇيىمداستىرۋشى بولعاندىعىن دالەلدەيدى»، - دەدى ول.
ونىڭ ايتۋىنشا، ميتينگ وتكىزگە رۇقسات ەتىلمەگەندىگىن بىلە تۇرا ونى ۇيىمداستىرۋ ءۇشىن بەلسەندى جۇمىستار جۇرگىزۋدى جالعاستىرا بەرگەن.
پروكۋرورلار تارابىنان زاڭدى بۇزباۋعا شاقىرعان اڭگىمەلەرگە قۇلاق اسپاعان.
«جۇزدەگەن اداممەن سويلەستىك. 6 -مامىرعا دەيىن جەكەلەگەن ادامدار قاتاڭ جاۋاپكەرشىلىككە تارتىلعان جوق. زاڭدى بۇزۋ بۇل ءوز ۇستانىمىن ءبىلدىرۋدىڭ دۇرىس جولى ەمەس ەكەندىگىن تۇسىنەر دەپ ءۇمىت ارتتىق. كوپشىلىگى مۇنى تۇسىنگەنىن جانە ولاردىڭ قۇقىق قورعاۋ ورگاندارىنا ەشقانداي شاعىم جوق ەكەندىگىن اتاپ وتكىم كەلەدى. دەگەنمەن، 40 قا جۋىق ادام اكىمشىلىك جاۋاپكەرشىلىككە تارتىلدى»، - دەدى ا. كراۆچەنكو.
اۆتور: مارلان جيەمباي
