استانادا وتكەن بوس ورىندار جارمەڭكەسىنە 40 تان استام جۇمىس بەرۋشى ۇيىم قاتىستى - فوتو
بۇل تۋرالى جۇمىسپەن قامتۋ ورتالىعىنىڭ باسپا ءسوز قىزمەتىنەن حابارلادى.
قىزمەت كورسەتۋ سالاسى، ءبىلىم بەرۋ مەكەمەلەرى، دەنساۋلىق ساقتاۋ ۇيىمدارى، قۇرىلىس فيرمالارى، قوناق ۇيلەر، اۆتوپاركتار، ىشكى ىستەر ورگاندارى سياقتى 40 تان استام جۇمىس بەرۋشى ۇيىمدارى وزدەرىنىڭ 260 جۋىق بوس ورىندارىن ۇسىندى. جارمەڭكەنىڭ الدىن الا قورتىندىسى بويىنشا 1386 ادام جۇمىس بەرۋشىلەرمەن تىلدەستى.
ەسكەرە كەتسەك، بۇل استانا قالاسى اكىمدىگىنىڭ جۇمىسپەن قامتۋ ورتالىعى ۇيىمداستىرىپ جاتقان ءتورتىنشى بوس ورىندار جارمەڭكەسى بولىپ تابىلادى. وسىدان بۇرىن وتكىزىلگەن جارمەڭكەلەر ناتيجەسى بويىنشا، بارلىعى 75 ازامات جۇمىسقا ورنالاستىرىلدى.
بوس ورىندار جارمەڭكەسى - نيەت بىلدىرۋشىلەرگە ءوزىنىڭ الەۋەتتى جۇمىس بەرۋشىلەرىمەن اڭگىمەلەسۋدەن ءوتىپ، جۇمىسقا ورنالاسۋىنا تاماشا مۇمكىندىك بەرەدى، سونىمەن قاتار، قايتا وقۋ مەن جاڭا ماماندىق الۋ مۇمكىندىگى تۋرالى اقپارات الۋعا كومەكتەسەدى.
وسى جىلدىڭ باسىنان باستاپ، استانا قالاسى اكىمدىگىنىڭ جۇمىسپەن قامتۋ ورتالىعىنا 4810 تۇرعىلىقتى ازاماتتار ءوتىنىش ءبىلدىردى، ولاردىڭ 2195 جۇمىسقا ورنالاستىرىلدى، سونىڭ ىشىندە: قوعامدىق جۇمىس ورىندارىنا - 63 ادام ورنالاستى، جاستار پراكتيكاسىنا - 220 ادام جىبەرىلدى، قوعامدىق جۇمىستارعا - 919 ادام قاتىستى، وقىتۋعا - 307 ادام باعىتتالدى.
