14:24, 21 - تامىز 2015 | GMT +5
شەتەلدىك ازامات قازاق پوليسەيلەرىنە 40 مينۋت كولىگىن اشپاي، شاي ءىشىپ وتىرىپ الدى
استانا. قازاقپارات - ۋكراينادان اۋىر جۇك كولىگىن تىزگىندەي كەلگەن يۆان ەرەمەنكونى قوستانايلىق ءتارتىپ ساقشىلارى جىلدامدىقتى اسىرعانى ءۇشىن جولدا توقتاتقان ەكەن. ءبىراق ول 40 مينۋت كولىگىن اشپاي، كابينادا شاي ءىشىپ وتىرىپ العان، دەپ حابارلايدى ك ت ك ارناسى.

ساقشىلاردىڭ اشۋىن تۋعىزعان بۇل عانا ەمەس. باستاپقىدا وعان جىلدامدىقتى اسىرعانى ءۇشىن جولدا توقتاۋعا نۇسقاۋلىق بەرىلگەن ەكەن. ءبىراق ازامات ەرومەنكو گازدى ۇدەتىپ قاشا جونەلگەن. پوليتسيانىڭ ونى قۋۋمەن 15 مينۋتتى كەتكەن.
ايتەۋىر توقتاتقانىمەن، ول ەسىگىن اشپاي تاعى اۋرەگە سالىپتى. شاي ءىشىپ وتىرىپ العانى ءوز الدى، 102 قىزمەتىنە قوڭىراۋ شالىپ، ساقشىلاردان قىسىم كورىپ جاتقانىن حابارلاعان.
دەگەنمەن، بۇل وقيعا شەتەلدىك جىگىت ءۇشىن ءساتسىز اياقتالدى. وعان جىلدامدىقتى اسىرعانى ءۇشىن 20 مىڭ تەڭگە كولەمىندە ايىپپۇل سالىنسا، پوليسەيلەردى مازاق ەتكەنى ءۇشىن ۇزاق مەرزىمگە جۇرگىزۋشى كۋالىگىنەن ايىرىلماق.
«كولىكتەن شىقپاۋ سەبەبىم ينسپەكتور دورەكىلىك تانىتتى. سول ءۇشىن اشپادىم. مادەنيەت جوق ساقشىلاردا»، - دەيدى جۇك كولىگىنىڭ جۇرگىزۋشىسى يۆان ەرەمەنكو.