كونگو دەموكراتيالىق رەسپۋبليكاسىندا 400 مىڭداي بالانىڭ اشتان ءولۋ قاۋپى بار
ەلدە گۋمانيتارلىق كومەككە ءزارۋ حالىقتىڭ سانى 13 ميلليوننان اسادى. بۇل كورسەتىكش بىلتىرعا قاراعاندا 80 پايىزعا كوپ.
2016 -جىلى ەل پرەزيدەنتى جوزەف كابيلا وكىلدىگىنىڭ كونستيتۋتسيالىق مەرزىمى ءوتىپ كەتسە دە، بيلىكتەن كەتۋدەن باس تارتۋى جاعدايدىڭ ۋشىعۋىنا اكەلىپ سوققان. ەلدى ەرەۋىلدەر شارپىپ، وپپوزيتسيامەن قارۋلى قاقتىعىستار جيىلەپ بارادى. كوشى- قون جونىندەگى حالىقارالىق ۇيىم كونگولىقتارعا 75 ميلليون دوللار ءبولۋدى تالاپ ەتىپ وتىر. ازىرگە ونىڭ 3 جارىم ميلليونى عانا جينالعان. تۇرالاپ تۇرعان كونگونىڭ قازىرگى پرەزيدەنتى جوزەف كابيلانىڭ بيلىكتەن كەتەر ءتۇرى جوق. ال ەلدەگى باس كوتەرۋلەر تولاستار ەمەس.
ەسكە سالا كەتەيىك، مۇندا پرەزيدەنت سايلاۋى بيىلعى جەلتوقسان ايىندا ءوتۋى ءتيىس.
جان- فيليپپ شوزي، كوشى- قون جونىندەگى حالىقارالىق ۇيىم وكىلى:
- كاساي ەلدى مەكەنىندەگى تۇرعىندار ۇيلەرىن بىرنەشە رەت تاستاپ كەتۋگە ءماجبۇر بولعاندىقتان، ەگىندى ۋاقتىلى ەگە الماي قالدى. ەگەر دە ورمانعا قاشىپ كەتكەن ادامدارعا ازىق- تۇلىك جەتكىزىلمەسە، ولاردىڭ قاتتى قينالۋى مۇمكىن. ال بۇل - بالالار ءولىم الدىندا تۇر دەگەن ءسوز.
www.24.kz
