پاۆلودار وبلىسىندا 400 دەن استام مۇعالىم جەتىسپەيدى

پاۆلودار. قازاقپارات - پاۆلودار وبلىسى اكىمدىگىندە وتكەن ءبىلىم بەرۋ باسقارماسىنىڭ القا ماجىلىسىندە وڭىردە 400 مۇعالىمنىڭ جەتىسپەيتىندىگى ايتىلدى، دەپ حابارلايدى egemen.kz.

پاۆلودار قالاسىندا مەملەكەتتىك پەداگوگيكالىق ۋنيۆەرسيتەت بار، پەداگوگيكالىق كوللەدج دە بار. ەكى وقۋ ورنىنىڭ جىل سايىن وقۋ ءبىتىرىپ شىعاتىن ماماندارى قايدا ءجۇر؟ كوللەدجدىڭ بار-جوعى بەلگىسىز. ب ا ق- تا، جالپى اكىمدىكتەگى جيىن، وتىرىستاردا مەكتەپكە دەيىنگى جانە باستاۋىش سىنىپ مۇعالىمدەرىن دايىنداۋداعى كوللەدج جۇمىسى جايلى ايتىلمايدى. ال، وڭىردە باستاۋىش سىنىپ مۇعالىمدەرىنىڭ دە تاپشىلىعى بايقالۋدا. ەلىمىزدە قابىلدانعان «ديپلوممەن اۋىلعا» باعدارلاماسىنىڭ قالاي جۇزەگە اسىپ جاتقانى وسى مىسالداردان كورىنەدى.

جالپى ءوڭىر بويىنشا باستاۋىش سىنىپتارعا - 63، ماتەماتيكا پانىنە- 57، ورىس ءتىلى مەن ادەبيەتى پانىنە - 50 جانە اعىلشىن تىلىنەن 50 مۇعالىم قاجەت ەكەن.

ەكىباستۇز قالاسى مەن قالا اۋماعىنداعى اۋىلدار 129 ۇستازدى كۇتۋدە. ءتىپتى، ورتا ءبىلىم مازمۇنىن جاڭارتۋ اياسىندا «نازاربايەۆ زياتكەرلىك مەكتەبى» اۆتونومدى ءبىلىم بەرۋ ۇيىمىنا قاراستى پەداگوگيكالىق شەبەرلىك ورتالىعىندا ءوڭىردىڭ 2 مىڭداي مۇعالىمى كۋرستان ءوتىپتى. جازعى ۋاقىتتا باستاۋىش سىنىپ، قازاق ءتىلى جانە اعىلشىن ءتىلى، فيزيكا، ماتەماتيكا، بيولوگيا، حيميا، ينفورماتيكا، گەوگرافيا، قازاقستان تاريحى جانە دۇنيە ءجۇزى تاريحى پاندەرىنىڭ مۇعالىمدەرى بىلىكتىلىگىن ارتتىرعان. ناتيجە قاجەت.

ءوڭىردىڭ ءبىلىم سالاسىنا جاۋاپتى ورىنباسارى مەيرام بەگەنتايەۆقا وبلىس اكىمى بولات باقاۋوۆ «مەكتەپتەرگە مۇعالىمدەر ىزدەۋ» اتتى باستامانى جەدەل قولعا الۋدى تاپسىردى.