يراندا شەكتەن تىس كوپ جالاقى الاتىن 400 شەنەۋنىك سوت الدىندا جاۋاپ بەرەدى

استانا. قازاقپارات - يران سوتى شەكتەن تىس جالاقى العاندارى ءۇشىن 400 گە جۋىق شەنەۋنىكتىڭ ءىسىن قارايدى،

دەپ حابارلايدى ر ي ا نوۆوستي.

يراننىڭ اۋديتورلىق سوتىنىڭ حابارلاۋىنشا، مەملەكەتتىك بانكتەردىڭ كەيبىر شەنەۋنىكتەرى 622 ميلليونعا (20 مىڭ دوللار) جۋىق يراندىق رەال الادى. ال، يراندا مەملەكەتتىك قىزمەتكەردىڭ ورتاشا جالاقىسى 400 دوللار بولادى.

«مەن وسى بايانداما ەلدە ۇلكەن رەفورمالاردىڭ قولعا الىنۋىنا ۇيتقى بولادى دەگەن ويدامىن جانە جەكەلەگەن ازاماتتار جاعدايدى جەكە باس پايداسىنا شەشپەيتىن بولادى»، - دەپ كەلتىرەدى يران پارلامەنتىنىڭ سپيكەرى الي ءلاريدجانيدىڭ ءسوزىن اگەنتتىك.

سپيكەر سونىمەن قاتار يران قازىناسىنا شەنەۋنىكتەردىڭ شەكتەن شىققان زور جالاقىلارىنا جۇمسالۋى ءتيىس 50 ميللياردقا جۋىق رەالدىڭ ەل قازىناسىنا قايتارىلعانىن ايتتى.

ءلاريدجانيدىڭ سوزىنشە، سوت ءىسى جالاقىلارى 200 ميلليون رەالدان اساتىن 97 شەنەۋنىككە قاتىستى قوزعالدى.