15:51, 11 - قىركۇيەك 2016 | GMT +5
وزبەكستاندا 400 دوللارعا ءسابي ساتقاندار ۇستالدى
استانا. قازاقپارات - وزبەكستان ۇ ق ك قىزمەتكەرلەرى ادام ساۋداسىمەن كۇرەس شارالارى اياسىندا جاڭا تۋعان ءسابيدى ساتپاق بولعان ەكى ايەلدى ۇستادى، دەپ حابارلادى ۋزتاگ.
«ءسابيدىڭ اناسى، حورەزم وبلىسى، يانگيبازار اۋدانىنىڭ 20 جاستاعى تۇرعىنى سايدا كۋلاحمەتوۆا جانە ونىڭ سىبايلاسى ۇرگەنىش اۋدانىنىڭ 34 جاستاعى تۇرعىنى شىنار مامۋتوۆا ءسابيدى ساتىپ، 400 دوللار العىسى كەلگەن»، - دەپ مالىمدەدى كوميتەتتەگى اقپارات كوزى.
قىلمىستى جاسىرۋ ءۇشىن ايەلدەر بالاعا جالعان قۇجات جاساۋدى جوسپارلاعان. شىنار مامۋتوۆا يانگيبازار اۋدانىنىڭ ا ح ا ج ءبولىمى مەڭگەرۋشىسى مىندەتىن اتقارۋشى ساەحات تيللايەۆاعا 50 مىڭ سۋم كولەمىندە پارا بەرىپ، جالعان تۋۋ تۋرالى كۋالىككە تاپسىرىس بەرگەن.
س. كۋلاحمەتوۆا مەن ش. مامۋتوۆاعا قاتىستى قىلمىستىق كودەكستىڭ 135- بابى بويىنشا (ادام ساۋداسى)، ال س. تيللايەۆاعا قاتىستى ق ك 210- بابى (پارا الۋ) بويىنشا قىلمىستىق ءىس قوزعالدى.
