ماڭگىلىك ەل پويىزىنداعى دارىگەرلەر ايماقتارداعى 400-دەن استام بالاعا ورتالىقتان ەم الۋ ءۇشىن جولداما بەردى
بۇل تۋرالى كەشە شىمكەنت قالاسىندا توقتاعان «ماڭگىلىك ەل» الەۋمەتتىك پويىزىنىڭ شتاب جەتەكشىسى ءا. الپەيىسوۆ پەن ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسقارما باسشىسى، ۇيلەستىرۋشى دارىگەر ن. قىدىربايەۆ و ق و ايماقتىق كوممۋنيكاتسيالار قىزمەتىندە وتكەن ب ا ق وكىلدەرىمەن كەزدەسۋدە ءمالىم ەتتى، دەپ حابارلادى و ق و اكىمىنىڭ باسپا ءسوز قىزمەتىنەن.
«بەيبىتشىلىك پەن كەلىسىمدى تۋ ەتكەن پويىز جولاۋشىلارىنىڭ قۇرامىندا بارلىق مينيسترلىكتىڭ 100-دەن اسا بىلىكتى ماماندارى بار بولسا، سولاردىڭ 30 شاقتىسى الەۋمەتتىك سالانىڭ قىزمەتكەرلەرى. جالپى، اكتسيا بارىسىندا پويىز 12 وبلىستاعى شالعاي ەلدى مەكەندەرگە توقتالىپ، 39 مىڭنان استام تۇرعىنعا كومەك كورسەتكەن. ەلباسىنىڭ باستاماسىمەن قولعا الىنعا بۇل شارانىڭ باستى ماقساتى - شالعايداعى اۋىلداردا تاۋەلسىزدىك جىلدارىنداعى ەلىمىزدىڭ جەتىستىكتەرىن قاراپايىم حالىق اراسىندا كەڭىنەن ناسيحاتتاپ، مەملەكەتىمىزدىڭ مەرەيلى مەرەكەسىن سەزىندىرۋ بولىپ تابىلادى. سونداي- اق، شيرەك عاسىرلىق ازاتتىق تويىن تويلاۋ ارقىلى حالقىمىزدىڭ الەۋمەتتىك ماسەلەلەرىمەن تانىسۋ جانە ونىڭ شەشىلۋىنە مەيلىنشە ىقپال ەتۋگە اتسالىسۋ» - دەدى ءا. الپەيىسوۆ.
باسپاءسوز ءماسليحاتىندا ءسوز العان ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسقارما باسشىسى اكتسيا بارىسىندا بۇگىنگى كۇنگە دەيىن پويىز قۇرامىنداعى دارىگەرلەردىڭ 12 مىڭنان استام ازاماتقا تەگىن مەديتسينالىق كومەك كورسەتىپ، 400-دەن استام بالاعا
ورتالىقتان ەم الۋ ءۇشىن جولداما بەرىلگەنىن جەتكىزدى. ايتا كەتەيىك، 15 - اقپان كۇنى استانا قالاسىنان باستاۋ العان «ماڭگىلىك ەل» پويىزىنىڭ سوڭعى ايالداماسى 18 - ناۋرىز كۇنى الماتى قالاسى بولماق.
