ۇلتتىق بانك قازكوممەرس بانككە 400,8 ميلليارد تەڭگە قارىز بەردى

استانا. قازاقپارات - ق ر ۇلتتىق بانكى «قازكوممەرتسبانك» ا ق- عا قىسقا مەرزىمدى ۋاقىتقا 400,8 ميلليارد تەڭگە كولەمىندە زاەم بەردى، دەپ حابارلايدى «قازاقپارات» ح ا ا ءتىلشىسى.

«ۇلتتىق بانك باسقارماسى وسىعان دەيىن «قازكوممەرس بانك» ا ق- عا بانكتىڭ جۇيەلىك ماڭىزدىلىعىن ەسكەرە وتىرىپ، 400,8 ميلليارد تەڭگە سوماسىندا قىسقامەرزىمدى قارجىلاندىرۋ بەرۋ تۋرالى شەشىم قابىلداعان بولاتىن.

قارىز بانك كليەنتتەرىنىڭ الدىنداعى مىندەتتەمەلەردى ورىنداۋ ءۇشىن وتىمدىلىكتىڭ قوسىمشا قورىن قامتاماسىز ەتۋ ماقساتىندا بەرىلدى. بۇگىنگى كۇنى بانك ءوتىمدى اكتيۆتەردىڭ جەتكىلىكتى كولەمىنە يە، بۇل وعان قارىزدى ءىشىنارا مەرزىمىنەن بۇرىن وتەۋگە مۇمكىندىك بەردى. «قازكوممەرس بانك» ا ق ۇلتتىق بانككە بۇرىن بولىنگەن قاراجاتتىڭ جارتىسىن قايتاردى»، - دەلىنگەن ق ر ۇلتتىق بانكى تاراتقان حابارلامادا.

سونداي-اق ۇلتتىق بانكتەن اتاپ وتكەندەي، قازىرگى ۋاقىتتا بانكتەردى كاپيتالداندىرۋدى ۇلعايتۋ بانك سەكتورىنىڭ باسەكەگە قابىلەتتىلىگىن ارتتىرۋدىڭ باسىم باعىتتارىنىڭ ءبىرى بولىپ تابىلادى. وسىعان بايلانىستى ۇلتتىق بانك اعىمداعى قاداعالاۋ پروتسەسى شەڭبەرىندە اكتسيونەرلەرمەن، ونىڭ ىشىندە «قازكوممەرس بانك» ا ق- نىڭ اكسيونەرلەرىمەن كاپيتالداندىرۋ دەڭگەيىن ارتتىرۋ جونىندە كەلىسسوزدەر جۇرگىزۋدە. بۇعان دەيىن Bloomberg اگەنتتىگى Qazkom دى قۇتقارۋ ءۇشىن 1,5 تريلليون تەڭگە (4,5 ميلليارد دوللار) قاجەت بولۋى مۇمكىندىگىن حابارلاعان بولاتىن.

اتالمىش وپەراتسيا (بانكتى قۇتقارۋ) - قازىرگى تاڭدا كازكوممەرتسبانك اق مەن قر ۇلتتىق بانكى وكىلدەرىنىڭ تالقىلاپ جاتقان بالامالارىنىڭ ءبىرى جانە ول 7 جىل بۇرىن مەملەكەت بانكتىڭ بەرەشەكتەرىن وتەۋ ماقساتىندا 20 ميلليارد دوللار بەرگەن جاھاندىق قارجى داعدارىسىنان كەيىنگى ءىرى وقيعالاردىڭ بىرىنە اينالۋى مۇمكىن. Qazkom مەن ۇلتتىق بانك وكىلدەرى پىكىر بىلدىرۋدەن باس تارتتى، دەپ جازعان بولاتىن Bloomberg.

وسىدان كەيىن Qazkom فەيسبۋكتاعى پاراقشاسىندا ءوز مىندەتتەرىن تولىق اتقارىپ، كليەنتتەردىڭ جيناق اقشالارى ساقتالاتىنىنا تولىق كەپىلدىك بەرەتىنىن جازدى.